طريقة الصفيحة ملكة رمضان
طريقة الصفيحة ملكة رمضان
المقادير
- للعجين:
- خمس كاسات طحين
- كاسة ماء دافية
- كاسة حليب دافية
- نص كاسة زيت
- معلقة خميرة كبيرة
- معلقة ملح صغيرة
- ست معالق سكر
- للحشوة:
- نص كيلو لحمة ناعمة مدهنة
- نص كيلو بندورة مبروشة
- قرن فلفل حار
- بصلتين مبروشة
- سنين تومة مبروشة او مهروسة
- معلقة صغيرة فلفل اسود
- معلقة صغيرة ملح
- بابريكا حارة حسب الرغبة
- معلقة كبيرة دبس الرمان
- كم عرق نعنع اخضر
الخطوات
مراااااحب يا احلا صبايا اليوم اجيت وجبت معي هالصفيحات لعيون احلى صبايا ويلاااا لنشوف هالصفيحة مع بعض
للعجين بخلط الحليب والمي والسكر والخميرة والملح والزيت سوا وبتركهم شوي ع جنب عبيل ما انخل الطحين بس انخل الطحين بحطهم على بعض وبعجن كتير منيح بس ما ببالغ كتير بالعجن هاي العجين كتيييير خفيفة وطرية وزاااكية كتييييير ع المعجنات المهم بتركها تخمر شي نص ساعة لساعة حسب جو المكان الي هية في
هسة نيجي ع الحشوة انا ما بحطها نية بحط شوية زيت بالقلاية وبقلب اللحمة حتى تتنشف مزبوط على نار عالية وبعدين بنزل عليها البندورة والبصل والتوم وبقلبها حتى تتنشف المي بس بتكون رطبة وبعدين بحطلها الملح والفلفل والدبس الرمان ونعنع اخضر وبقلبهم على بعض وبتركها تبرد
بعدين بقطع العجين وبتركها ترتاح نتوفة وبعدين برق العجين وبحطو بالسدر المدهون وبحط اللحمة ع العجين وبس اخلص بتركها ترتاح شوي وبدخلها فرن حامي وبحمرها ما رح تاخد وقت لانو اللحمة مستوية وهاي الطريقة حبيتهاا كتييييير ازكى من وهية نية جربوها ودعولي ودعموني والا رح ازعل ومش رح انزللكم وصفات بعدين
ويلا ادعولي وادعموني يا غاليات ❤
