طباخة لحمة بالخضار

المقادير

• لحمة مقطعة مكعبات
• الخطراوات:
• بطاطا
• بصل
• بندورة حب
• فلفل حار
• فليفلة
• جزر
• بصل
• ثوم
• البهارات:
• ورق غار
• بهار مشكل
• بهار لحمة
• رشة قرفة
• ملح
• زيت زيتون
• زيت نباتي

الخطوات

بسم الله الرحمن الرحيم

1- بنغسل اللحمة منيح و بنشيل الدهن عنها

بنفرم بصلة جوانح و حلقتين فلفل حار و فليفلة بنتبلهن مع اللحمة بالبهارات و الزيت و معلقة طعام ملح بنحطن عالغاز و بندبلهن منيح بعدها بنضيف مية مغلية سخنة و بنضغطهن بطنجرة الضغط 35 دقيقة

2- بنقطع البطاطا مكعبات و الجزر يكون صغير بنقطع البصل جوانح و بنحط فصين ثوم بدون تقطيع بعطي نكهة اقوى بندورة شرايح والفليفلة شرايح بنملح وبنبهر الخضرة يلي قطعناها و بنحط شوية صلصة بندورة

3- بعد 35 دقيقة بنطفي الغاز تحت اللحمة و بنقص من الشوربة و بنحط الخضرة ع اللحمة و بنضغطها ربع ساعة

4- بنحط الطباخة ب صنية و بنحمرها شوي

وهيك صحتين وهنا