طريقة عمل قطايف وما ادراك ما القطايف اشي خرافي ملكة رمضان
طريقة عمل قطايف وما ادراك ما القطايف اشي خرافي ملكة رمضان
المقادير
- كاستين ونص طحين
- ثلاث كاسات او اكتر
- شوي مي دافية
- معلقتين كبار نشا
- معلقتين كبار سكر
- معلقة خميرة صغيرة
- رشة ملح
- معلقة صغيرة بكنغ باودر
- رشة كربونة يعني اقل من ربع معلقة صغيرة
- معلقتين حليب بودرة كبار
- فانيلا
- اصنص كرمل بينباع عند العطار بتعبا تعباي بعلب متل الليمون والبرتقال والاشياء هاي
- اصنص جوز الهند نقطتين
الخطوات
بحط كل المقادير سوا وبخلطهم منيح بالخلاط او بالهاند بلاندر طبعا بتكون عجين سائلة تشبه قوام الكوكتيل تقريبا وبريحها شي ربع ساعة وبعدين بحمي قلاية او صاجة او اذا عندك شواية كهربا متل الي بالصور بكون احسن وببلش بعد ما تحمى مزبوط اصب الخليط بس تنشف مزبوط واحسها تحمرت بقيمها وبحطها على شرشف نضيف وبغطيها لحتى اخلص الكمية وبس اخلص بجهز الحشوة متل ما بتحبي احشيها انا هون حاشيها جبنة غنم وجبنة متزريلا وهون انا شويتهم بالفرن دهنتهم سمنة وشويتهم والقطر طبعا ثقيل والطريقة بملف ام جاسم
طبعا انو الطعم دماااار والله ازكى من المحلات وناجحة جدا هالطريقة جربوها ودعولي
لا تنسوني من دعواتكم ودعمكم يا عسولااات
