طريقة عمل القشطلية ملكه رمضان
طريقة عمل القشطلية ملكه رمضان
المقادير
- ١ كوب طحين
- ١ بكيت قشطه ١٢٥ مل
- رشه فانيلا
- م ص ممسوحه بيكنج بودر
- زيت للقلي
- ٢ كوب قطر متل قطر العوامه بحراره الغرفه
الخطوات
كيفكم يا امورين ..اخباركم يا حلوين ..شو عاملين
الوصفه هاي للغاليه #ام_حسنين اخدتها منها وما شاء الله تبارك الله وصفه بتجنننننننننننن وما بدها كتيير مكونات ….وطعمها رووووووعه فعلا …الله يجزاك كل خير انتي ياقلبي وكل صبيه وشيف تطبخ وتفيد غيرها بوصفات ناجحه ولذيذه متل هيك
صرت عاملتها فوق الميه مرة قد ماهي زاكيه …ارفقت كتير صور لكل مرة عملتها تقريبا
ويلا نبلش
نضع المواد الجافه معا .. الطحين الفانيلا ..البيكنج بودر ونخلط ..ثم نضع القشطه ونعجن لحتى يصبح عنا عجينه ناعمه ومتماسكه
نريحها ربع ساعه …ثم نمدها بالشوبك ونقطعها بالقطاعات او بغطا قنينه ماء
نقليها بزيت حامي نوعا ما …ومن الزيت ع القطر البارد
وتقدم بالف هنا وصحه ..وتلذذو بطعم القشطه الرائع
