صينية خضار بنكهة الزنجبيل والثوم والفلفل الحار ملكة رمضان

المقادير

• دجاجه مغسوله منيح ومنزوعة الجلد
• اربع حبات بطاطا متوسطة الحجم
• حبة فليفله
• قرنين فلفل حار او حلو حسب الرغبه
• خمس حبات جزر
• كاسه صغبره زيت زيتون
• راس بصل كبير او متوسط حسب الرغبه
• ثوم الكميه حسب الرغبه
• معلقتين زنجبيل مفروم ناعم
• اربع حبات بندوره مقطعين دوائر
• معلقه كبيره صلصة البندوره
• ملح
• فلفل اسود مطحون حسب الرغبه
• معلقة بهارات مشكله
• معلقه صغيره كاري
• معلقه صفيره بابريكا حلوه
• رشة كاري

الخطوات

بسم الله الرحمان الرحيم

ربنا يسعد اوقاتكم يا حلوين رمضان كريم وتقبل الله طاعاتكم وغفر لكم وجعلكم من اللذين قال لهم ادخلوها بسلام امنين

اليوم اكلتنا اكله طيبه وشهيه وبسيطه بعيد عن الارز والمعجنات والزيوت والدهنيات الثقيله صينية خضار بنكهة الزنجبيل والثوم والفلفل الحار ويلى نشوفها سوى وهيا الى المطبخ

في البدايه بكون محضره كل شيء من غسيل وفرم وتقطيع حتى البهارات لازم تكون جاهزه حتى نشتغل برواق وما ننسى اي شى والاكله رح تكون نكهتها غير بنحضر صينيه نضيفه ونصف فيها الخضار المتبله والمملحه طبعا وبنضيفلها كاسه زغيره او فنجان زيت زيتون اهم شي الزنجبيل والثو م والفلفل والمفرمين ناعم لانهم هم سر النكهه وبنضيف على الوجه الدجاج المتبل والمملح مع كاسة مي زغيره وبقصدر الصينيه وعلى الفرن المحمى مسبقا وبنضل نراقبها لما تستوي بنطفي من تحت بنشعل من فوق وبنحمرهابدك تراقبيها مزبوط لانه لو غفلتي شوي رح تنحرق وزوحك واولاد طالما وهم بياكلو رح يضلو مكشرين ويطلعو عليك من تحت لتحت ولو نزلتيها على برنامج طبخ رح تطلعلك وحده وتقلك ليش محروقه الصينيه ديري بالك الباب يلي بيجي منه الريح سدو واستريح ويسعد قلبكم والف صحه وهنا ويسعدكم شو بحبكم ..❤❤

استودعتكم للعلي العظيم