كيكة جوز الهند بالقطر ملكة رمضان
كيكة جوز الهند بالقطر ملكة رمضان
المقادير
- كوب ونصف طحين
- كوب ونصف جوز هند
- كوب سكر
- 4 بيض
- كوب ونصف لبن رايب
- كوب الا ربع زبت
- م.ص فانيلا
- 3 م.ص بيكينج باودر
- نصف م.ص كربونة
- قطر 1:1
- للتزيين:
- جوز هند
الخطوات
السلام عليكم ورحمة الله وبركاته
صحيح رمضان اله حلوياته بس كيكة جوز الهند بالقطر كمان طيبة والها محبينها وبتعطي طاقه بعد الصيام ونكهتها بتشبه البسبوسة كثير طيبة، خلينا نشوف الطريقة
أولاً/ الخليط
بتخلطي السكر والزيت بتخفقي لحتى يصير كريمي بتضيفي البيض والفانيلا وبتابعي الخفق بعدين اللبن وجوز الهند واخر شي الطحين منخول معه البيكنج والكربونة وبتخلطي كويس .
ثانياً/ الشوي
بتصبي الخليط في صينية مدهونة وعالفرن زي الكيك العادي على حرارة وسط مدة نصف ساعة وبتختبريه بعود خشب.
—بعد ما يستوي بتكوني مجهزة القطر قطر خفيف كاسة سكر وكاسة مي وعصرة ليمون بعد الغليان ويغلي 5 دقائق على حرارة هاديه مع اكمن عود قرفة.
بتشربي الكيكة القطر بده يكون بارد والكيك ساخن عشان تشرب. وبترشي جوز هند عالوجه بمسك بالقطر.
— لا تقطعيها الا لحتى تبرد تماااما وهيه مشربه القطر، احسن ما تتفتت.
* كثير طيبة وخفيفة وسهلة سريعه بتمنى تجربوها وصحة وهنا
