طريقه عمل الفته الغزاويه كتير زاكيه والطعم دمار ملكة رمضان

المقادير

• لحمه عجل
• مطيبات لسلق اللحمة:
• بصل
• روز ماري
• فلفل أخضر حار
• ورق غار
• قرنفل
• حب هان
• فلفل أسود
• ملح
• فراشيح ( خبز صاج)
• أرز بسمتي
• سمنه أو زيت
• للزينه:
• بقدونس مفروم
• شرائح ليمون
• لوز محمص

الخطوات

بسم الله نبدأ

بسلق اللحمه مع المطيبات لما تستوي بأخد مرقتها وبعمل فيها الرز بسخن طنجره وبحط فيها معلقه سمنه بحمص نص كميه الرز لما يصير لونه ذهبي غامق بضيف باقي الرز عليه وبحركهم مع بعض كويس بضيف المرقه وبتركه ليتفلفل

بحط اللحمه بصينيه برش عليها رشه بهار جاج ورشه فلفل أسود وبشويها

بقطع الفراشيح لقطع متوسطه وبضيف عليها من المرقه السخنه كميه كويسه ليتشربو الفراشيح منها وتكون طريه بغطي الوعاء ولما يتشربو المرقه بحطهم بجاط التقديم وبحط طبقه من الرز واللحمه بصفها فوق تزين وتقدم بجانب دقه الفلفل والليمون وبالعافيه ياااارب على قلوبكم

**ملاحظه

ممكن بأي نوع لحمه تنعمل جاج .عجل حبش. على كل الجهات زاكيه

أنا ما بحب لون اللحمه المسلوقه لهيك حمرتها بالفرن

قطع اللحمه المفروض تكون أكبر من هيك بس البياع كان مقطعها هههههه بس الطعم زيي ما هوا

بتمنا هالوصفه البسيطه تعجبكم وتدعولي يا قمراتي بالخير والعافيه

وصحه وعافيه بحبكم أنا❤