بسبوسه السينامون ملكة رمضان
بسبوسه السينامون ملكة رمضان
المقادير
- ١ كوب سميد خشن
- ١ كوب حليب بودرة
- ١ م ك بيكنج بودر
- نصف كوب زيت نباتي
- نصف كوب سكر
- نصف كوب حليب سائل
- م ص قرفه
- علبه قشطه بوزن ١٧٥
- للقطر:
- كاسه ونصف سكر
- كاسه مي عليهم م ص عصير الليمون
- الصوص الابيض:
- ٦ حبات جبن كيري او ٨ حبات جبن مثلثات
- علبه قشطه بوزن ١٧٥
- كوب الا ربع حليب مكثف محلى
- الحليب المكثف المحلى :
- كوب سكر
- ليتر حليب سائل ( كل كوب ٢٥٠ مل عليه ٣م ك حليب)
- م ص بيكنج بودر
الخطوات
يا مسا الخيرات والليرات والاشياءات الزاكيات
جبت معي بسبوسة دماار طعم تحفه هي اول مرة اجربها بس فعلا طلعت فوق ما اتخيل …حتى شكلها رووووعه وقت التقديم وان شاء الله تعجبكم
نعمل القطر بوضع كل المكونات معا مع التحريك المستمر حتى الغليان ..ونتركو عشر دقايق وبعدين نطفي عليه …لازم يكون بارد وقت الاستعمال
نجهز الحليب المكثف المحلى …بوضع الحليب مع السكر ع الغاز ونضل نحرك لحد الغليان ..عند الغليان نضيف م ص بيكنج بودر ..ونحرك بسرعه حتى يذوب ونوطي الغاز عنار هاديه ….. وكل ما تتشكل عنا رغوه نشيلها …وبيضل الخليط لمده ٤٥ دقيقه ع النار الهادئه ..بالزبط ….نتركو يبرد خارج الثلاجه ثم نضعو بالثلاجه لمده ساعتين وبيصير جاهز للاستخدام ( لا تقللو من كميه الحليب البودرة الموضوعه ع الكوب …لانو بيخف ثقلو وما بيطلع مثل ما بدنا )
طبعا انا جربت الحليب المكثف المحلى بالخلاط ولكن هاد جدا اطيب وقوام رائع متل العلب بالزبط ولكم الخيار
نشغل الفرن ع درجه حراره ١٨٠ ع الرف الشبكي الاوسط
نخلط السميد والسكر والحليب البودرة والبيكنج باودر والقرفه…….ثم نضع الزيت والقشطه والحليب السائل ونخلط جيدا
نضعها بصينيه او بايركس مدهون بسمنه ..السمنه بتعطي طعم اطيب كتيير بس ممكن نستعمل الزيت
نصب الخليط ونضعو بالفرن ..لحد ما تصير الاطراف لون بني …مش اشقر بدنا اياها لونها ع بني … نحمر الوجه ع الخفيف
نصب القطر البارد عليها فور اخراجها من الفرن …ونتركو لمن يتشرب ع الكامل
ثم نعمل الصوص …بوضع كل المكونات داخل خلاط الكوكتيل حتى تذوب الجبنه كويس
ونخلط …وبكون جاهز للاستخدام
نضعو فوق البسبوسه …ثم نضعها بالثلاجه لمده ما بين الساعه والساعتين
وتزين بالقرفه والجوز …او حسب ما بتحبو
وعليكم وعلييي بالف هنا وصحه
