معمول السميد بحشوة التمر وجوز الجمل والفستق الحلبي ملكة رمضان

المقادير

• كيلو سميد فرخة
• كاسة طحين
• كاسة سكر مطحون بودرة
• نص كيلو سمنة
• معلقة كبيرة محلب
• باكيتين قيمر
• من ربع لنص كاسة حليب سائل
• لحشوة التمر:
• تمر معجون
• دقة كعك معلقتين كبار
• رشة جوزة الطيب
• معلقتين كبار قطر ثقيل
• معلقتين سمنة
• حشوة جوز الجمل:
• نص كيلو جوز الجمل
• قطر ثقيل
• ماء الورد
• ماء الزهر او عسل نحل
• معلقة سمنة
• حشوة فستق الحلبي:
• نص كيلو فستق حلبي
• عسل نحل معلقتين كبار
• معلقتين سمنة
• ماء الورد معلقة كبيرة
• ماء الزهر معلقة كبيرة

الخطوات

مررررررحبا كيفكم انا الي غاب وجاب عمركم سمعتو في هييييييييوووووتني هههههههههههه انا اليوم اجيت وجبتلكم طريقة معمول بدوووووووب بالتم دوبااااان

عنجد طلع فوق الرااااائع جربو ودعولي

طبعا التجربة خير برهان

وبلا كترة حكي ع قولت نور علمتنا الحكي كتير نور ههههههههههه بس اي والله حكياتها بجننو

وبسم الله نبدأ

اول شي ببس السميد بالسمنة ٢٤ ساعة وبعدين بحطلو كاسة الطحين والمحلب وهوووون صحيح بحب اللفت انتباهكم ع شغلة اذا بتحبي المعمول متماسك زيدي كمان نص كاسة طحين وبحطلها السكر البودرة وبعجنها بالقشطة وبعدين بشوف اذا بدها كمان سوائل برش رش بسيط من الحليب شوي شوي عشان ما تخدعكم العجينة وتطرى زيادة معكم وبعدين بريحها ربع ساعة وبجهز الحشو

حشوة الجوز بفرمو ناعم وبحطلو معلقتين عسل او قطر ثقيل جدا متل العسل وبضيف ماء ورد وماء زهر ع القطر او بحط معلقة معلقة من كل واحد على الجوز وبحط معلقتين سمنة وبفركهم فيهم حتى تترطب وتلزق خفيف على بعضها يعني لو زودتي القطر او العسل رح تصير تطلع من العجين اثناء الخبز

وحشوة الفستق نفس طريقة حشوة الجوز بنفس التعليمات

حشوة التمر

بجيب تمر معجون جاهز وبحطلو دقة الكعك وجوزة الطيب والقطر وبعجنهم وبحطلهم معلقتين السمنة وبرجع اعجن طبعا هون القطر رح يعطيهم طراوة كتييير حلوة ورح تعجبكم

وبعدين ببلش احشي المعمولات ويا بشكلهم بالملقط بنقشهم نقش او بالقوالب طبعا انا هون عملتهم نقش وبس اجهز كل الكمية ببلش اشوي فرن حامي وبحمرهم من تحت وبعدين بحمرهم وبطلعهم وبتركهم بنفس السدر لماااااااا يبردو تماااام وبعدين بضبهم وعند التقديم بترشي ع الوجه سكر بودرة

والف صحة وهنا ويلا بدي دعوة حلو من احلى خوات ولا تنسوني بالدعم لاني والله والله تعبت