طريقة الكيكة التركية البارده أو الكيكه القبرصيه ملكة رمضان
طريقة الكيكة التركية البارده أو الكيكه القبرصيه ملكة رمضان
طريقة الكيكة التركية البارده أو الكيكه القبرصيه ملكة رمضان
المقادير;
- مقادير الطبقه الاولى:
- 3بيضات
- كوب الاربع زيت
- نص كوب سكر
- كوب جوز هند
- كوب جوز مفروم
- كوب توست مطحون
- باكيت فانيلا
- باكيت بكنج باودر
- رشة ملح
- معلقة صغيره قرفه
- مقادير الطبقه الثانيه:
- اربعة اكواب حليب
- خمس ملاعق نشا
- باكيت كريما لون ابيض
- معلقتين سكر
- رشة مستكه مطحونه اختياري
- القطر:
- كوب سكر
- كوب ونص مي
- عصرة ليمون
- رشة فانيلا
الخطوات
بسم الله الرحمان الرحيم
يسعد اوقاتكم وتقبل الله طاعاتكم واعانكم على القيام والصيام وعلى البيت والاولاد….جعله ربي بميزان اعمالكم
كيكه بارده تركيه قبرصيه لذيذه خاصه لعشاق الجوز والقرفه يلى نشوف الطريقه
اول خطوه بحضر كل شيء لسهولة العمل الكيكه يا غاليين عباره عن طبقتين ركزوا معي ورح تعملوها بدون اي تعب
اول شي ببلش بعمل الكيكه لاحضوا هون الكيكه بدون طحين
بحضر وعاء عميق وبضيفله الثلاث بيضات والفانيلا ونص كوب السكروالزيت بخفق لمدة سبع دقايق بتلاحظي ان الخليط نفش وتضاعف حجمه الخطوة الثانيه بضيف الجوز المفروم والقرفه وجوز الهند وكوب التوست والبيكنج باودر ورشة ملح زغيره وببلش احرك شوي شوي بالمعلقه الخشبيه شوي شوي لما يتجانس الخليط بتلاحظي بالبدايه بكون رخووبعد شوي بتماسك وبجمد وبكون محضره صينيه مدهونه بالزيت وبصب فيها الخليط وبسوي اطرافه كويس او بهز الصينيه حتى يكون الكيك على نفس المستوى
وبدخل الصينيه للفرن المحمى مسبقالمدة نص ساعه واذا احتاجت من فوق بولع الفرن حتى تاخذلونها وتتحمر شوي وبطلعها وبتركها تبرد طبعا بكون عامله القطى مسبقا حتى يلحق يبرد
الطبقه الثانيه
بحضر اربع كاسات حليب وخمس معالق نشا ومعلقتين سكر وبحركهم على البارد في مقلاه وعلى النار المتوسطه حتى يبلش يتماسك هون برش المستكه وبخلط وبتركه يبرد شوي وبعد ماتخف حرارته بضيفله باكيت الكريمه وبخفقهم مع بعض حتى يتجانسو هون بشرب الكيكه بجزء من القطر ما بكثر حتى ما تتفتت مني الكيكه وبضيف طبقة المهلبيه للكيكه وبزبطها من فوق وبرشلها كميه من جوز الهند ولك حرية الاختيار في التزيين جوز مفروم مع قرفه….فستق حلبي مفروم زي ما بدك وبلفها بالنايلون وعلى الثلاجه يدها اربع ساعات…ويا سلام شو طيبه خاصه لعشاق القرفه والجوز احلى تحلايه بعد الفطور
القطر قطر خفيف لتسقية الكيكه كوب سكر كوب ونص مي عصرة ليمون ورشة فانيلا القطر لازم يكون خفيف لتسقية الكيكه
ان شاء الله تعجبكم
كل عام وانتم بالف خير
استودعتكم لله
