طريقة عمل الدولمة العراقية طعم خياليي سلسلة وصفات حول العالم 9 ملكة رمضان
طريقة عمل الدولمة العراقية طعم خياليي سلسلة وصفات حول العالم 9 ملكة رمضان
طريقة عمل الدولمة العراقية طعم خياليي سلسلة وصفات حول العالم 9 ملكة رمضان
المقادير
- منحتاج خضار مشكلة:
- كوسا
- بيتنجان
- فليفلة خضرا
- بندورة
- لو حبيتو وبصللللل (اخدت قلوب البصلات اللي حشيت حلقاتهم الكبار)
- ورق عنب
- او ورق سلق
- أو التنين بس نحنا مامنحب ورق السلق لهيك اكتفيت بورق العنب وكترو منو نصيحة لوجه الله ههههه
- للحشوة منحتاج:
- نصف كيلو رز
- ثلث كيلو لحمة مفرومة
- ربع كوب عصير ليمون
- ربع كوب دبس رمان
- ثلث كوب زيت
- ثلث كوب بقدونس مفروم ناعم
- نصف كوب بندورة مبروشة
- نصف كوب بصل مبروش
- البهارات منحتاج:
- ملح
- فلفل أسود
- كمون
- بابريكا
- كزبرة يابسة
- قرفة
- قرنفل
- او اذا عندكم خلطة السبع بهارات حطو منها مع ملح وفلفل انا ماكان عندي فخلطت هدول
- لصوص الطبخ منحتاج:
- السوائل اللي رح تنزل من الحشوة
- نصف كوب زيت
- ثلث كوب دبس رمان
- ربع كوب عصير ليمون
- ملعقة كبيرة دبس بندورة
- كم سن توم
- ملح
- فلفل أسود
الخطوات
☆بسم الله الرحمن الرحيم☆
تخيلو مو عرفانة شو قلكم الطريقة يعني حفرو الخضراوات وحشوهن ههههههه
عم امزح طبعاً عنا تعليقات بسيطة مشان الصوص
شو مفكرين الشغلة هيك مزح وضحك
دولما هي ياعمي دوووووولماااااا
دخيل رزاتها رزة رزة ما أطيبها
تعو لقلكم أول خطوة
مقادير الحشوة كلا خلطوها مع بعض ولا تكبو المي اللي رح تتجمع منها لأنو بدنا نستخدمهم بالمرقة بيعطو نكهة همممممم
تاني خطوة الخضار طبعاً محفورة ومغسولة وجاهزة للحشي وعملت بعود الخشب ثقوب بالكوسا والبيتنجان لحتى ما يفتحو عالطبخ والحمد لله اجت سليمة ههههه
أما بالنسبة للبصل فبعد مانقشرو ونقطع طرف راسو من فوق منسلقو عالنار كم دقيقة لنقدر نفصل حلقات البصل عن بعضا ونحشيها
عفكرة اخترعتلكم مقولة جديدة
“في الدولما البصل للهبل” ههههههه
المهم يا حلوات منحط الحشوة بطرف حلقة البصل ومنلفها وانا كتير حبيت البصل بهالوصفة
مع اني قال يعني كيوت وماباكل بصل لا تئرفو ههههه
بعد ماتجهز الخضار منصفها بالطنجرة ومنحطا عالنار قريب الربع ساعة بدون سوائل لتاخد لدعة خفيفة وبتعطي طعم لذيذ ومميز للطبقة السفلية
وانا حطيت كمان شرائح بطاطا لحتى ما يلزق شي أو يحترق لا سمح الله وطعم البطاطا خياااااال
انا حطيت تحت عالأطراف الكوسا والبيتنجان وبالنص الفليفلة والبصل ونزلت بالأطراف ورق عنب
واكيد فيكم ما تلدعوها هالشي بيرجع الكم
وشو كمان بدي احكي ذكروني
اي اي هلأ منجهز الصوص
شفتو السوائل اللي بتنزل من الحشوة؟
هاتوها ناولوني ياها لقلكم
منضيف عليها باقي المكونات ومنخلطهم سوا ومنصبها فوق الخضار ومنطب عليهم صحن ومنخلي السوائل تكون فوق الصحن بشي سانتي بس ومنغطي ومنترك النار قوية حوالي نص ساعة بعدين منوطيها ومنتركها شي ساعة وانتبهو إذا نشفت السوائل زيدوها
تركو الطبخة تتنهنه بمعنى الكلمة لأنو قمة لذاذتها وهية دايبة بتدوب القلب معها ههههه
وكمان فيكم تحطو بسفل الطنجرة قطع لحم كبيرة بس هية هيك بتجنن لشو المصاريف الزايدة عطوني ياهم عيديات أحسن هههههههه
هف سدقت حالي
المهم بس تستوي جيبو جاط حطو على وش الطنجرة وتحولو لداي الشجاع وعملو الحركة الشقلوبية تبع قلب الطنجرة
بتنزللكم منها الدرر المكنونة وبلا ريجيم بلا جنونة
عطوني رأيكم بالوصفة ودعولي بالبركة ويارب كون توفقت وعطيت هالوصفة حقا
وطبوشاتي العراقيات تعالو حكولي هيك تمام ولا مو كلش ههههههه
أحبكم كومة كومة بالعراقي وأستودعكم الله♡
