شاورما وصينية حلبه وكيك بالبرتقال وجوز الهند ملكة رمضان
شاورما وصينية حلبه وكيك بالبرتقال وجوز الهند ملكة رمضان
شاورما وصينية حلبه وكيك بالبرتقال وجوز الهند ملكة رمضان
المقادير
- للكيك:
- خمس بيضات
- كاسة زيت
- كاسه عصير برتقال
- نصف كاسه حليب سائل
- ملعقة فانيلا
- كاستين طحين
- تقريبا ملعقتين صغار بيكنغ باودر
- نصف كاسة جوز هند
- كاسه سكر او حسب الرغبة اذا بتحبوا تزيدوا
- للشاورما:
- ثمن صدور دجاج او دجاجتين كاملات مقطعة شرائح ومنظفة مسبقا
- نصف كاسة خل
- عصير ليمونة
- راس ثوم كامل مبروش ناعم
- بصلة صغيرة
- ثلاث ملاعق لبن رايب
- ملعقتين صلصة بندورة
- ملعقتين زيت زيتون
- بهارات شاورما جاهزة من عند العطار
- او اذا مو متوفرة تتكون من:
- هيل
- بهارات مشكله
- كمون
- بابريكا
- كاري
- ملح
- لصينية الحلبة:
- ثلاث ملاعق حلبه حب مغليه لحتى تفتح حبتها مع ميتها
- ثلاث كاسات سميد خشن
- كاسه طحين ممكن تستبدليها بسميد ناعم
- ريع كاسه سكر
- ثلاث ارباع الكاسة زيت زيتون
- ملعقة خميرة مذوبة بماء دافي مع سكر
- ملعقة صغير بيكنغ باودر
- اختياري ” حبه البركة . سمسم . يانسون حب “
- القطر كاستين سكر كاسة ماء عصرة ليمون والغاز خمس دقائق بعد الغليان
الخطوات
مساء الخير عالجميع اليوم ليلة 27 من رمضان بنودع رمضان ويا رب من العايدين وكل عام وانتو بخير يا رب
خبينا نغير من اسلوب الطبخات من اول رمضان وعملنا شاورما وحلويات خفيفة
بالنسبة للشاورما جبت صدور الدجاج ونظفتهم بالليمون الخل والبصل وبعدها قطعتهم تقطيع رفيع شرائح وحطيت التتبلية بالخلاط اللي هيا ثلاث ملاعق لبن والصلصة والزيت والبهارات والملح والثوم والبصل وحطيتهم مع الدجاج وقلبتهم كويس ويا اما بتبليها قبل بخمس ساعات واحسن اذا تتبلت من قبل بيوم
وعند الطبخ قليت بصلة بزيت وحطيت الدجاج مع تتبيلته وطبختهم لحد ما نشفت ميته وحمرتة بالفرن وكنت مجهزة خبز شراك او خبز تورتيلا وعملت الثومية اللي هيا كاسة مي مع ملعقة نشا عالغاز بس ثقلت حطيتها بالخلاط وحطيتلها عصير ليمون وملح وسنين او ثلاث ثومة حسب رغبتكم
ودهنت الخبز وحشيته بالشاورما بعدهاع grill واذا مو موجود ادهني الخبز بالزيت وحمريها بالفرن
اما عملتها بس ما لحقت اصورها لانه اكلوها
بالنسبو للحلبه بنخلط السميد والطحين ونبسهم بالزيت ونحط فوقهم السكر والخميرة والبيكنغ باودر وحبه البركة والسمسم ونعجنها بمية الحلبه المغليه ونحط من حبات الحلبه مع العجين ونتركها ترتاح لتختمر ما بدها اكثر من نص ساعه بندهن الصينية بطحينية ونمدها فيها ونخبزها على درجة حرارة 200
ونكون مجهزين القطر من قبل ويكون برد ونسقيها فيه
اما بالنسبة للكيك سهل جدا مثل ما نعرف نخفق البيص ونحطله الفانيلا ونحط السكر ونخفق وبعدها نحط الحليب والبرتقال ونحط الطحين لحتى يصير بالقوام المناسب بنجهز الصينية وندها بالزيت ونرش الطحين ونحط فيها الخليط وانا بحب احط على وجهها جوز هند بيطلع طعمه روعة ومنظرة حلو
وبحطها بالفرن على درجة حرارة مئة وثمانين وبدها نص ساعة او اربعين دقيقة وصحة وعافيه
