العجينه العجيبه بدون ماء وبدون فرن للساندويشات للشاورما للمسخن الرولات ملكة رمضان

المقادير

• 3كاسات طحين
• كوب ونص لبن رايب
• ملعقة بكنج باودر
• رشة ملح
• طحين لرق العجين

الخطوات

بسم الله نبدا يسعد اوقاتكم وكل عام وانتم بالف خير يا احلى وردات بالوطن العربي

وصفتنا اليوم وصفه بسيطه ومريحه بتستخدم للساندويشات وللمسخن الرولات وللشاورماوهذه الوصفه للظروف الطارئه احيانا بدك تعملي وصفه وما بتلاقي حد يجيبلك الاغراض او السوق بعيد او الغرض غير متوفر بنلجا لافكارنا الخاصه حتى ندبر امورنا وهذه اليوم وصفه معروفه بس فيها شوية غرابه تعالو نشوفها

هي عباره عن طحين ثلث كاسات وكاسه ونص لبن رايب دافي ورشة ملح وملعقة بكنج باودر وبعجنهم مع بعض كويس وبنتركهم يرتاحو عشر دقايق وبقطعهم قطع صغيره وبنغطيهم وبنتركهم يرتاحو ساعه حتى يسهل علينا رقهم وبنبلش بعملية الرق وبنحمي مقلايه على النار وبنمسحها بشوي زيت وبنبلش بوضع العجينه المرقوقه وبتركها شوي وبنقلبها على الوجه التاني لما تخلص الكميه بنغطيها بعد ما تبرد شوي حتى ما تنشف لحين الحاجه

طريقه سهله وبسيطه واقتصاديه ولذيذه بامكانك تاكليها مع المربي او العسل او الزبده او الزعتر وهي ساخنه كتير طيبه بس ضروري دهن المقلاه بالزيت بين كل رغيف والرغيف التاني

هاي الوصفه رح تنزل بايام العيد لا تطنشوها اقراوها بتمعن او حطوها على المفضله يمكن تفيدكم.في يوم ما

واشكركم جميعا عيد سعيد عليكم وعلى احبابكم وكل عام وانتم بخير لا تنسونا من دعواتكم

استودعتكم لله العلي العظيم