ورق توت محشي ودوالي وكوسة
ورق توت محشي ودوالي وكوسة
المقادير
- للحشوة :
- اربع كاسات رز او حسب الكمية اللي عندك
- نص كيلو لحمه مفرومة يفضل يكون فيها ليه لأنه طعمها اطيب
- حبتين بندورة حبه
- بصل
- راس ثوم
- ضمة من ” بقدونس . نعناع “
- كزبرة خضراء ( اختياري )
- ملعقة بهارات مشكله
- ملعقة كاري
- ملعقة كركم
- ملعقة كزبرة ناشفة
- ملعقة ملح او ماجي
- رشة كمون وفلفل اسود
- بالنسبة الكوسا والدوالي:
- ٢ كيلو كوسا محفورة ومغسولة
- كمية ورق دوالي مسلوقة
- ورق توت مغسول ومسلوق اكثر من الدوالي بشوي
الخطوات
السلام عليكم وكل عام وانتو بخير ومن العايدين يا رب
اليوم كنت بتفرج على ورق شجرة التوت اللي عندج بيتنا وخطر ببالي اطبخ منها بصراحة ورقها شكله خرافي
اول اشي بحط مي بطنجرة عشان اسلق فيها دوالي لحد ما تغلي وبس اخلص يفضل انك تغير التي وتحكي غيرها وتسلقي فيها ورق التوت وتكوني حفرتي الكوسا وغسلتيها وتكون جاهزة للحشي
هسا بنجهز الحشوة
بننقع الرز بمي ساخنة لمدة نصف ساعه
ونشوح حبه البصل مع زيت زيتون لحد ما تلبس تذبل ويضيف اللحمة المفرومة عليها وبشوحها معها لتنزل نيتها وبكون جهزت راس الثوم ودقيته ناعم بضيف نصه عاللحمة والنص الثاني على الرز بس نغسله وبفرم البندروة عاللحمة وبخليها عالنار لمدة خمس دقائق مع التقليب المستمر
بفرم البقدونس والنعناع والكزبرة اذا حابين تحطوها ويغسل الرز كويس بضيفهم عليه مع اللحمة والبهارات تقريبا اللي كتبتهم وبتاكد من ملح الحشوة وهيك بتكون جاهزة للاستخدام
بحشي الكوسا تقريبا لفوق نص الحبه والدوالي كلنا بتعرف الطريقة وورق التوت سهل لفه وبعدها عند الطبخ يفضل ينطبخوا كل واحد بطنجرة بحط فيها شرائح بصل وسنين ثلاثة ثوم واذا متوفر عندك حاجه او لحمه او ممكن قطع ليه لأنه طعمها بيجنن عليهم وتحطي الكوسا وبعدها ترتيب ورق الدوالي فوقها وهيك كمان ورق التوت تغلي مي وتحطيهاعليهم لحد ما توصل التي لفوق وبينطبخوا على نار هادئة لمدة ساعة ونص ساعتين وبعدها بتقدميهم وصحة وعافية
