عرايس بيتي لذيذ وزاكي

المقادير

• بصل خمس حبات
• خمس حبات ثوم
• سبع حبات بندورة
• قطعة لية حسب الرغبة وقية أو أكثر
• لحمة عجل تقريبا اثنين ونص كيلو
• أرغفة خبز نص سوا حوالي عشرين رغيف لأنه صغير

الخطوات

كيفكم يا عضوات زاكي الكريمات …. والله مشتاقة أشارك معكم أخواتي بالله وبتمنى الكل يكون بخير وعافية وصحة دايمة ….

بالنسبة للعرايس بنقشر البصل والثوم والبندورة بنغسلها كويس وعند اللحام بتنفرم ناعم جدا مع اللحمة واللية وعنا بالبيت بنضيفلها الملح والفلفل الأسود والبهارات المشكلة إلي بتحبوها وبنخلطها وبنجهز الحشوة

بنقطع خبز العرايس وبنعبي فيه الحشوة وبنفردها بكل جهات الرغيف وحوافه وبنسكره وبنضغطه بالايد

وبندهنه زيت من الجهتين

بنحمي الفرن وبنشويهم من تحت ونحمرهم من فوق وبنقدمهم مع لبن مثلا

وصحة وهناااا