كيكة توام لولد بنت

المقادير

• كيلو خليط كيك جاهز
• 12 بيضة
• كوب ماء
• كريمة بودرة
• شوكليت شيلس
• ملونات غذائية

الخطوات

مسالخير صبايا………. انا اشتقتلكم كتيييير واشتقت لوصفاتكم الروعة كتيييييير لانه هاي المرة طولت الغيبة عليكم

اليوم عملت كيكة هي كانت اوردر لتوام ولد وبنت.

هلا بدي احكي عن طريقة الكيكة وكونه انا زمااااااان مانزلت شي هون ف رح اشرح طريقة الرسم عالكيك مرة تانية بالتفصيل

اول شي طريقة تحضير الكيكة:

جبت خليط جاهز من الكيك من محلات لمستلزمات الحلويات وهدا كان طلب الزبونة انه خليط جاهز ولما اشتريت الخليط اعطوني ورقة مكتوب عليها طريقة تحضير الخليط وهي:

بضيف للكيلو 12 بيضة وكوب مي وبضل اخفق تقريبا 10 دقايق وبعدين بحط الخليط بصينية مقاس 40*30 وبخبز على حرارة 180° لمدة نص ساعة واول ما تطلع الصينية من الفرن لازم اقلب الكيكة مباشرة لانه لو ما قلبتها بتلزق

هلا بالنسبة لحشي الكيكة:

قسمت الكيكة تلات طبقات وكل طبقة حطيت عليها كريمة وشوكليت شيبس واخر شي غلفت الكيكة كلها بالكريمة

بالنسبة لتحضير الكريمة:

انا بحط لكل كوب كريما بودرة كوب حليب سائل وممكن احط اي منكهات متل فانيلا او نكهة بنذق او اي شي

هلا واخر شي الرسم عالكيك:

الرسمة اللي بدي ارسمها عالكيكة بكون طبعتها عالكمبيوتر ع ورقة وهاي الورقة بثبت عليها ورق زبدة وبعدين بسيح شوكولا خام وبحطه بكيس حلواني وبصير احدد حواف الرسمة ع ورق الزبدة بالشوكولا وبخلي الشوكولا تبرد عالاخر وبعدين بنقلها عالكيكة واخر شي بصير اعبي الرسمة بالكريما عن طريق التنقيط بكيس حلواني حسب اللون اللي بالرسمة.

التنقيط: بجيب الكريما وبحطها بكيس حلواني وبخزقه من تحت شوي وبصير انقط نقطة نقطة لاملي كل الرسمة.

وممكن استخدم للتنقيط قمع النجمة

انا هون استخدمت القمع بس،فيكم ماتستخدموه