طريقة عمل حلوى اللينزا ملكة الحلويات المصرية
طريقة عمل حلوى اللينزا ملكة الحلويات المصرية
طريقة عمل حلوى اللينزا ملكة الحلويات المصرية
المقادير
- كوب طحين
- كوب جوز هند
- نصف كوب سكر
- اصبع زبدة طرية 100 غم
- ربع كوب زيت ذرة
- م.ص فانيلا
- م.ص بيكينج باودر
- 2 بيض
- مكونات المهلبية
- 2 كوب حليب سائل
- 3 م.ك نشا
- قطر للتقديم
الخطوات
السلام عليكم ورحمة الله وبركاته
حلوى اللينزا من الحلويات المصرية وتحديدا من مدينة دمياط ، كثير بتشبه البسبوسة بالقشطة مع اختلاف بسيط جدا شكلي . وحبيت اعملها بناء على طلب جوري صارت طالبيتها اكثر من مرة ان شاء الله تعجبكم.
أولاً/العجينة
بنخلط الزبدة والزيت والسكر كويس وبنضيف البيض والفانيلا وبنتابع خلط واخر شي الطحين وجوز الهند والبيكينج وبنخلطه كويس.
ثانياً/ المهلبية
بنعمل مهلبية عادي بس بدون سكر كاستين حليب مع 3 ملاعق نشا ونغليهم مع التحريك المستمر لحتى يثخن الخليط.
ثالثاً/ تقسيم الخليط
بنقسم العجينة ثلثين وثلث
الثلثين بنفردهم بصينية فرن حجم وسط وفوقهم بنفرد المهلبية واخر شي للوجه بمثابة تزيين بنعبي الثلث اللي ضل من العجينة بكيس تفريز وبنقصه وبنوزعه على شكل خطوط متقاطعه فوق المهلبية.
رابعاً/ الخبز
بنخبز اللينزا بفرن محمي على 180 لمدة ثلث ساعة تقريبا ممكن اكثر . وبتحمريها عالخفيف.
—بس تطلع من الفرن فورا بنصب عليها قطر بارد كمية قليلة حوالي كاسة شاي او كاسة ونص فقط ونركز بالصب عالاطراف عشان ينزل القطر للطبقة اللي تحت.
خامساً/التقديم
بنتركها تبرد تمااااما وبالثلاجة تتبرد ساعتين وبعدين بتزينيها وبتقطعيها وقدميها مع فنجان قهوة رائعة وطيبة كثير. وصحة وهنا.
