طريقه مبروشة المربى بدون زبده ملكة الحلويات الشاميه

المقادير

• ٢ بيض بدرجه حراره الغرفه
• نصف كوب حليب
• ١ كوب زيت نباتي
• ١ كوب سكر
• ٣ ونصف كوب طحين او حتى تتشكل عجينه ناعمه وملساء
• ٢ م ص بيكنج بودر
• ٢ م ص فانيليا
• ١ كوب مربى اي نوع تفضليه ..برتقال او كرز او فراولة
• لبرش العجينه:
• نصف كوب طحين

الخطوات

مساء الخير والورد والفل عليكم الجميع …اشتقتلكم والي فترة غايبه ….بس ما قدرت ما اشارك بالمسابقه …ان شاء الله وصفاتي تعجبكم ..ولانو رح انشر وصفات مشهورة فيها كل بلاد الشام ….فحبيت يكون الهاشتاج باسم ملكه الحلويات الشاميه

وهالعجينه تاعت المبروشه من بنات افكاري …. وكانت رووووعه وفوق الرووعه …لانو الاغلب بيعمل العجينه بزبدة ولكن هاي اطرى وازكا واوفر كمان

نبدا ….انشعل الفرن ع درجه حراره ٢٠٠ الرف الشبكي الاوسط

نبدا بخفق البيض مع الفانيليا ….ثم الزيت والسكر

نضيف الحليب ..ثم الطحين المخلوط بالبيكنج باودر …ونعجن حتى نحصل ع عجينه ناعمه وطريه جدا …فعلا رح تنبسطو فيها

ناخد ثلاث ارباع العجينه ونضعها بصينيه مدهونه زيت ….ثم نخرمها بالشوكه حتى ما تنفش وقت الخبز …نضع المربى مع تفادي الاطراف

نضيف نصف كوب الطحين ع العجينه المتبقيه ونبرشها بالمبرشه …ونحمرها بالفرن من تحت لحتى تتحمر الاطراف نعرفها انها نضجت

ثم نحمر الوجه ع الخفيف

تقطع بس تبرد تماما ….وتقدم بالف هنا وصحه

ان شاء الله تعجبكم وتجربوها ولا تنسو تضيفوها مفضله وتدعولي