فطيره اللحم اللذيذة ومنظرها مشهي ومشجع للمبدعه
Buthayna Ghanem تابعو معها الوصفه
المقادير:
العجينة
3 كوب طحين
معلقة ملح صغيرة
ربع كوب زيت زيتون
انا ضفت بصل بودرة وتوم بودرة واريغانو …اختياريات
ببضة مخفوقة مع معلقة خل صغيرة
بفرك العجينة كويس …
بضيف كوب لبن رايب ..مخيض اللبن يكون دافي ومدوب فيه معلقة خميرة صغيرة ومعلقة سكر بنحركهم وبنتركهم لتفور شوي الخميرة وبنعجن فيها خليط الطحين ممكن نحتاج شوية لبن زيادة المهم تتكون عنا عجينة طريقة ودبقة شوي مش ناشفة بندهنها شوية زيت بنتركها تتخمر …
بنفردها على شكل مستطيل بحطها بصينية الخبز وبرش عليها شوية نشا خفيفة عشان ما تتشرب العجينة سوائل الحشوة بلف اطرافها متل الشكل اللي عاملتو وبحط الحشوة وبتركها تختمر ربع ساعه وبخبزها بفرن حامي على 200 درجة بدها تقريبا ربع ساعة ل20 دقيقة ..
الحشوة
بصلة عالنار بدبلها مع شوية زيت زيتون وبضيف عليها لحمة مفرومة بخليها لحتى تتسبك وتنشف ميتها بحط رشة ملح وفلفل اسود وبهار مشكل وبتركها تبرد وبحط معها بندورة مقطعة وممكن ذرة او بدون وبقدونس مفروم بحطها على العجينة وبرش عليها جبنة موزيريلا وبخفق بيضتين مع رشة ملح وفلفل اسود بدهن اطراف العجينة فيهم والبقية بوزعو على الحشوة وبدخلها الفرن
بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب
عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية
عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد
احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي