البحتيه او رز بالحليب ملكه الحلويات الشاميه

البحتيه او رز بالحليب ملكه الحلويات الشاميه , معكم صديقة زاكي الشيف الموهوبة ,اولادي سعادتي ( ام آدم)

البحتيه او رز بالحليب …ازكى شي وقت ما تكوني عارفه شو تعملي حلو ههههههههه ….او وقت بدك يكون في فطور خفيف لاطفالك او عشا

مافي بعد البحتيه ….تعالو نعملها ع طريقتي وان شاء الله تعجبكم

نضع الارز المنقوع لمده ساعه بعد تصفيته …مع الماء المغلي في طنجره ع الغاز ونار هادئه ..مع التقليب كل دقيقتين حتى ما يلزق الارز ببعضووو

وعندما يقارب الارز ع الاستواء والنضج ..(.طبعا بنذوق ). نضع الحليب السائل ونترك الارز يستوي ع الاخر كمان ع نار هادئة جدا

عند الاستواء نضع السكر والماء الورد او النكهه يلي تحبوها

نسكبو بصحون التقديم …ويزين بجوز الهند والقرفه او الفستق الحلبي او الزبيب يلي بيناسبكم

ويقدم دافئ او بارد ..والف هنا وصحه

لا تنسو تضيفوها مفضله وتدعولي