راس زهرة مشوي و محشي باللحمة المفرومة

المقادير

• راس زهرة(قرنبيط)
• نص كيلو لحمة مفرومة
• بصلتين كبار مفرومين
• زيت قلي
• طحينة
• حبتين ليمون
• ملح
• فلفل
• كمون

الخطوات

أول شي هاي الأكلة لما نجهزها بينحط عليها بشاميل وقت ما نشويها بالفرن بس أنا حبيت أغير فيها وأحط طحينة لأنه حسيته أزكى بالطعم

أما الطريقة فهي سهلة كتير بنسلق راس الزهرة نص سلقة بعدين بنخليه على جنب شوي

بنجهز الحشوة بنفرم البصل ناعم وبنقليه مع اللحمة المفرومة بشوية زيت نباتي وبعد ما تبرد الحشوة شوي هي وراس الزهرة بنفتحه شوي شوي وبنعبي الحشوة جوات ثناياه وبنحطه بصينية بايركس مثلا وبنشويه بالفرن وبعد هيك بنطلعه وبنجهز الطحينة مع بنخلطها بعصير الليمون وشوية مي وملح وفلفل وعلى راس الزهرة كمان بنملح ونفلفل وبنحط كمون وبنصبها فوق راس الزهرة وبنقدمه مع قطع ليمون كتير زاكي أما إذا حطينا بشاميل نضيفه فوق الراس وبنرجع نشويه شوي بالفرن تحمير عالشواية

كمان عملت جنبه صحن متبل باذنجان بما إني عاملة طحينة ههههه كمان لذيذ

وصحة وهناااا