اقراص جوز الهند ملكة الحلويات الحلبية
اقراص جوز الهند ملكة الحلويات الحلبية
المقادير
- كاسة جوز هند مع معلقة كبيرة
- نص كاسة سكر
- بياض بيضتين
- معلقة صغيرة بكنج باودر
- معلقة صغيرة فانيلا
- معلقة صغيرة طحين
الخطوات
(يسعدلي كل اوقاتكن حبيباتي حبيت اقدملكن اقراص جوز الهند عنا بحلب مشهورة كتير ناس بيقلولا كاتو جوز الهند او اقراص جوز الهند وهي منضيفا بلاعراس او المناسبات )
في كتير طرق لتحضير والاغلب بدو خلاط ومو الكل متوفر عندو
هالطريقة رح تنال اعجابكن لانو مابدا خلاط ويلا نشوف الطريقة بتمنا تعجبكن
بسم الله الرحمن الرحيم
بمقلاة عالغاز حطيت السكر وبياض البيض وجوز الهند وصرت اخلطن ع غاز واطي كتير مدة سبع دقايق بدنا نطبخ البيض وبنفس الوقت يدوب السكر هلق بالاول رح يتجمع كتلة وحدة بس عالتحريك رح يدوب السكر بس عدت السبع دقايق بشيلا من عالغاز وبضيف عليها فانيلا والبيكنج باودر والطحين وبخلطن منيح هلق صار دور التشكيل بدك تعملين دوائر بدهن ايدي زيت وبكورن بضغط عليهن ضغط خفيف او بدك هنن شكل بيضوي حسب شوبدكن انا عملت طريقتين
حميت الفرن درجة ١٧٠ دخلتن الفرن اخدو معي ١٠ دقايق عالتمام بس من تحت بس استوو من تحت طفيت وشغلت من فوق ودخلتن دقيتين بس لاخدو لون دهبي
تركتن يبردو وقدمتن مع فنجان قهوة يلا تفضلو دوقو وعطوني رئيكن واذا عجبتكن لاتنسوني من دعوة حلوة متل قلبكن
والف صحةوهنا
