بسبوسه السينابون ملكة الحلويات الشامية
بسبوسه السينابون ملكة الحلويات الشامية
المقادير
- كوب سميد خشن
- كوب حليب بودره
- نص كوب سكر
- معلقة قرفه صغيره
- معلقة بكنج باودر كبيره
- نص كوب زيت ذره
- نص كوب حليب سائل
- علبة قشطه 170غ
- للصوص الابيض :
- علبة قشطه 170 غ
- 6 حبات جبنه
- نصف علبه من الحليب المكثف المحلى
- القطر :
- كوب ونص سكر
- كوب ماء
- عصرة ليمون
- للتزين :
- قرفه ناعمه
- فسدق حلبي
الخطوات
السلام عليكم ..ويسعد مسااكم
اليوم بقدملكم وصفه كثير طيبه وجديده وطعم آخر
بسبوسة السينابون سبب تسميتها بالاسم انه بنضيفلها القرفه وبنضيفلها صوص السينابون يلي بعطيها طعم لذيذ جدا ..ان شاء الله تعجبكم وبتجربوها
يلاااا نشوف الطريقه ….
& بنضع المواد الجافه السميد والحليب البودره والسكر والقرفه والبكنج باودر وبنخلطهم سوا
& بعدين بنضيف للخليط الزيت والحليب السائل والقشطه وبنخلطهم سواا مزبوط لحتى يتجانس الخليط
& ثم بنضعها بصينة وسط مدهونه اما سمنه او زيت وبدخلها الفرن عالحرارة 180 درجه ..تقريبا بتاخذ نص ساعه بالفرن ..
لما يصير لون اطرافها بني بتكون استوت بطلعها عالتحمير بحمرها ..
وبعد ما تتحمر وهي ساخنه بسقيها قطر بااارد لازم بارد
وبتركها تتشرب القطر وتهدى شوي لحتى اجهز الصوص
& الصوص : بنضيف الجبنه والقشطه والحليب المكثف عالخلاط الكهربائي بالشاف وبخلطهم سوا لحتى تذوب الجبنه ..وبضيفه للبسبوسه وبدخلها الثلاجه لمدة ساعه
& بعد الساعه جاهزه معي للتقديم ..بنرشلها قرفه ناعمه عالوجه لازم عشان صوص السينابون يكمل معنا طعمه
والتزين اختياري اذا حبيتو باضافة الفسدق الحلبي او اي شي حابينه ممكن ..بس اهم شي نرشها بالقرفه
وهيك وصفتنا البسيطه صارت جاهزه معنا سريعه وسهله وطعم رااائع ..بنصحكم بتجربتها ..
وصحه وعافيه مقدما
دمتم بكل الخير
