طريقة صنع حلاوة الجبن ملكة الحلويات الحموية

المقادير

• كاسة وربع سميد ناااعم
• كاسة وربع سكر
• كاسة ماء
• كاسة ونص جبنة عكاوي او اي نوع بتحبو انا استخدمت جبنة مشلشلة بعد ماحليتا منيح من الملح
• معلقة كبيرة ماء زهر
• للقشطة
• كاستين حليب
• معلقة كبيرة نشا
• معلقة كبيرة طحين
• معلقة كبيرة سميد
• تلات ارباع كاسة سكر او حسب الرغبة
• معلقة كبيرة ماءزهر

الخطوات

يسعدلي كل اوقاتكن جيت اليوم وجايبتلكن نوع حلو بياخد العقل بطعمتو ولذتو من مدينة السورية حماة بتمنى تجربوا وتعجبكن وتعطوني رئيكن

*بسم الله الرحمن الرحيم*

الحشوة :

(خلطت كل المكونات وحطيتن عالغاز بس بلشو يغلو ضفت السكر وماء الزهر تركتن يغلو كم دقيقة وسكبتن بصحن وتركتا تبرد)

العجينة:

(حطيت السكر والمي عالغاز بس بلشو يغلو حطيت فوقن ماء الزهر و السميد تركتن دقيقتين نزلت فوقن الجبنة وصرت اخلط بسرعة لتدوب الجبنة تركتن خمس دقايق وانا احرك بعد ماخلصت طفيت تحتن وتركتن خمس دقايق ليبردو شوي بعد مابردت دعكتا شوي

جبت نايلو مديت العجينة فوقو وحاولت اعملا كلا نفس السماكة حشيتا بالقشطة ولفيت طرف شلتو غلفتو بنايلو وكملت بقية العجينة طلعو معي تلات رولات حطيتن بالبراد ساعتين ليبرد لانو طيبتا تتقدم باردة قطعتا قطع صغار وبليتا بالفستق وحطيتا بصحن التقديم وجنبا قطر)

ان شالله تكون عجبتكن ولاتنسوني من دعوة حلوة متل قلبكن