دروبس بالقهوة ملكة الحلويات الشرق آسيوية

المقادير

• دروبس القهوة كوب سكر
• كوب ماء
• م.ك قهوة تركية
• ربع م.ص ملح ليمون
• دروبس الزنجبيل والليمون
• كوب سكر
• ثلاث ارباع كوب ماء
• ربع كوب عصير ليمون
• م.ص زنجبيل مطحون
• سكر بودرة لمنع الالتصاق

الخطوات

دروبس بالقهوة ملكة الحلويات الشرق اسيوية

السلام عليكم ورحمة الله وبركاته

جبتلكم اليوم وصفة دروبس شهير ولذيييذ كل الناس بتحبه طبعا مش الوصفة الاصلية ولكنها قريبة جدا منها ولما بحثت عن اصل الكاندي هاي لقيتها تنتج بأكثر من دولة اندونيسيا ، ماليزيا، الصين ، فيتنام….الخ

فقررت اشملهم كلهم تحت اسم شرق آسيا.

أولاً/القطر

بنخلط كوب ماء وكوب سكر وم.ك قهوة تركية او نسكافيه عادي بصير الجهتين وبنرفعها على نار عاليه لختى تبدأ بالغليان بنضيف ربع م.ص ملح ليمون وبنترك القطر يتسبك ويتحول لقوام مركز .

—بنتركها على نار وسط تغلي لمدة 9 دقائق وبنبدأ بالاختبار.

ثانياً/ الإختبار مهم

بنحتاج ماء بارد وبناخد من القطر بالملعقة وبنصبه في الماء اذا تلاشى واختفى بكون الثطر لسا سايح ومش متماسك.

—بنعيد الاختبار كل شوي لازم تتكون كرة متماسكه وما بتسيح وإذا تركتها شوي بتكسر. وبكون جهز.

ملاحظة مهمة/ اذا كان طبخ القطر اقل من المطلوب رح يعطيكي توفي وبرضه زاكيه.

وإذا انطبخ زيادة رح يطلع طعم حرق كراميل.

ثالثاً/ صب الدروبس

طبعا بكون على شكل دروبس drops يعني قطرات بالعربي وهيه بتاخد شكل الدوائر لحالها وبدون ما تسحسح الها قوام ممتاز .

—لازم نصب القطرات على سيلكون وهو افضل خيار

او ورق زبدة ، واذا مافي صبي عالرخامة مباشرة بس لا تستخدمي معادن مثل صواني ولا بلاستيك طبعا بذوب لانه. ممكن قوالب الثلج يلي بقعرها سيلكون او قوالب السيلكون الصغيرة.

—بنترك الدروبس تبرد تمااااما وبنفكها من مكانها وبنغبرها بسكر مطحون عشان ما تلصق فبعضها وبنحفظها في علبة محكمة الغلق.

رابعاً/الطعم

طعمها قريب جدا من كاندي القهوة كوبيكو لذيذة جدا.

خامساً/ دروبس الليمون والزنجبيل

طبعا معروف الليمون والزنجبيل لنزلات البرد والسعال والم الحلق بخفف الاعراض وبهدي وجع الحلق.

—لنكهة الليمون والزنجبيل بنحط ربع كوب ليمون وثلاث ارباع الكوب ماء وكوب سكر ونصف م.ص زنجبيل مطحون وبنعمل نفس الخطوات للقطر وبدون ملح ليمون.

ملاااااحظة/

بعرف في ناس رح تعترض على انها سكر وبنطعمي اولادنا سكر وووووووو …. ولكن صحيح هيه سكر بس كمان الدروبس اللي بالمحلات كلها سكر وفوق السكر مواد مضافة شي بنعرفه وشي ما بنعرفه واولادنا هيك هيك بيشتروا وحتى احنا بنشتريها كمان ، فيكون سكر لحاله ولا يكون سكر ومضافات ومواد حافظة، ودمتم بكل خير.