حلوى المشط بدون مشط ملكة الحلويات العربية
حلوى المشط بدون مشط ملكة الحلويات العربية
المقادير
- كوب حليب سائل
- 2 م.ك سكر
- 2م.ك زيت ذرة او زبدة
- رشة ملح
- م.ص فانيلا
- ثلاث ارباع كوب طحين ابيض
- م.ص بيكينج باودر
- ربع كوب نشا
- قطر سميك للتقديم
الخطوات
حلوى المشط
السلام عليكم ورحمة الله وبركاته
حلوى المشط سبب تسميتها بهذا الاسم لانه تشكيلها بكون على مشط شعر نظيف خاص بالطبخ بيعطيها طبعة حلوة بتشبه تنقيش المعمزل بس انا ماكان عندي مشط جديد فشكلتها بأشكال متعددة ، المهم تحاولي تخلي العجينة رقيقة مش تخينة عشان تقرش.
ادرجتها تحت اسم حلويات عربية لانها منتشرة بأكثر الدول العربية.
أولاً/ العجينة
بنغلي الحليب السائل على الغاز مع الزيت زالملح والسكر وبعد الغليان بنضيف الطحين والنشا والبيكنج ( نسيت اكتب البيكنج بالصور) وبنحرك باستمرار لحتى تتكون عندي عجينة متماسكة بنطفي الغاز وبنعجنها بايدنا وننتبه لان العجينة ساخنة بتكون.
—بنكورها وبنغطيها ترتاح ساعة.
ثانياً/التشكيل والقلي
بنقطع من العجينة قطع صغار وبنشكلها زي مابدنا بس حاولي تصغري القطع وتخليها رقيقة عشان تقرش.
—بعد التشكيل بنقليها بزيت ساخن على حرارة وسط وخليها تاخد وقتها بالاستواء وتتحمر.
ثالثاً/التقديم
بعد القلي عالقطر البارد مباشرة وبتتقدم مع رشة مكسرات زينة او بدون زي ما بدك.
—والف صحة وهنا
