طريقة عمل صينية البامية باللحمة

المقادير

• نص كيلو باميا صغيرة
• بصلة حبة وسط
• أربع حبات ثوم
• لحمة قطع
• ملح وفلفل
• زيت نباتي
• بندورة أربع او خمس حبات

الخطوات

بنقلي الباميا أنا استخدمت باميا مفرزة طبعا إذا كانت طازة بتتقمع بالأول وبتنغسل وبعد ما نقليها بنخليها على جنب بشوية زيت مو كتير

نفرم بصل ناعم وبنقليه وبنقلي الثوم المفروم ناعم كمان معه وبنحط اللحمة وبنقليها منيح بالزيت

بنحط البصل والثوم واللحمة المقلية بالصينية وبنحط الباميا المقلية معها

بالنسبة للبندورة أنا قسمتها وحطيتها بالخلاط وضفتلها معلقة كبيرة مية بندورة (صلصة) وصبيتها عالباميا واللحمة وخلطتهم بعد ما صفت الملح والفلفل الأسود وعالفرن لحتى تتحمر وتتسبك كتير زاكية بتتقدم مع اللبن ممكن أو بدون أي شي

وبتتاكل بالخبز لأنها ثقيلة ومسبكة عكس الباميا المطبوخة بالطنجرة إلي بتكون صلصتها وميتها أكتر وبتتاكل مع الرز

وصحة وهنااااا