حلو السكر الافغاني (2) بشكل جديد وطعم ولا اطيب ملكه الحلويات الافغانيه

المقادير

• 4 كوب طحين ممكن نحتاج اكثر او اقل حسب نوع الطحين
• 200 غرام زبده طريه بدرجه حراره الغرفه
• كوب لبن
• رشه ملح
• 2 كوب سكر بني او ابيض للرش بين الطبقات والتوريق

الخطوات

بسم الله نبدا

بوعاء العجن بنضع الزبده واللبن وبنخلطهن مع بعض كثير منيح وبعد هيك بنضع الطحين بالتدريج مع استمرار العجن لما نحصل على عجينه متماسكه وطريه بنقطع العجينه لاربع كرات متساويه و بنريح العجينه عشر دقايق وبعد هيك بمساعده رشات صغيره من الطحين بنرق قطعه من العجينه لمستطيل رقيق نوعا ما وبعد هيك بنبلش نشكل طبقات البسكوت برش السكرالبني او الابيض انا هون خلطت من النوعين والضغط على

العجينه لما نحصل على مستطيل من الطبقات طويل ورفيع وبنغلفو بالسكر من الجهتين بنقطع المستطيل لمثلثات وبنصفهن على ورق الزبده في صينيه الفرن وبنكمل تشكيل باقي القطع لمثلثات مورقه وبنصفهن بصينيه الفرن وبنخبزهن على نار هاديه جداا تقريبا 170 او اقل لمده نص ساعه تقريبا وهالخطوه لنشفهم تنشيف ويستوو منيح ونحصل على طبقات مقرمشه وطيبه وبس يبردو منيح بنقدمهم مع فنجان قهوه والف صحه وهنا يا رب

ملاحضه ضروري تكون درجه حراره الفرن هاديه كثير لنشف قطع البسكوت وتطلع معنا هشه ومقرمشه للامانه كل يلي تذوقها عجبتو كثيير وما توقع انها شغل بيت ابداا

بتمنى تجربوها وتعجبكم لانها سهله كثيير وسريعه ومكوناتها متوفره

لا تنسو تضيفوها للمفضله

تحياتي الكم جميعا رشا ام احمد