مسخن و تبولة و كب كيك

المقادير

• مقادير المسخن:
• جاج
• خبز مشروح
• بصل
• سماق
• زيت زيتون
• ملح
• مقادير التبولة:
• خس
• بندورة
• بقدونس
• برغل
• ليمون
• ملح
• زيت زيتون
• مقادير الكب كيك:
• كيكة شوكولا معتمديتها
• كرات جوز الهند داخل الكيك عبارة عن جوز هند .. سميد .. حليب .. سكر .. زبدة أو زيت عالنار تسخين لحد ما تتجمع عحالها وتصير قابلة للتشكيل

الخطوات

السلام عليكم جميعا ..

يا رب تكونو مبسوطين وبأحسن حال ..

هلأ هاي المقادير للأكلات بشكل عام .. أي استفسار عن أي شي اسألوني

.. هلأ باعتقادي لكل طبخة أو اكلة الها سرها بمكون أو طريقة تحضير أو حيلة أو أي شي

وانا صرلي فترة ماشية بهالاعتقاد ومبسوطة ههههه عنجد بحكي

قبل ما اطبخ أو اعمل شي بحكي مع حالي انو وين سرها لهالطبخة .. وهيك بطبخ هالطبخة وانا عأساس أسرار الطهي ومن هالحكي

تعلمت حيل واسرار ☺ منكم وعندي حيل واسرار

اسألوني عن أي شي مغلبكم بوصفة او اي شي بجاوبكم إن شاء الله واذا ما عرفت بحكيلكم ما عندي فكرة .. واكيد حدا من هالستات والصبايا الا يكون عنده هالسر ويساعدنا

.. كيكة الكب كيك هي كيكة بدون حليب أي حد بحب يعرف المقادير بالزبط يحكيلي

التبولة فرم ناعم للخضار وتتبيل بزيت الزيتون ورشة ملح وعصرة ليمون ..

أما المسخن .. شويت الجاج بالفرن من الصفر طبخته بالفرن .. ونقعته من الليل بالليمون وشوية خل وقرفة مطحونة بعد ما نضفته منيح ..

والخبز غمسته بزيت البصل وبعدين حطيت عليه بصل ورشة سماق وحمرته عالشواية وحطيت عليه الجاج المشوي .. وحطولكم رشة لوز او صنوبر عليه .. ما كان عندي شي ازين فيه

المرة الجاي بصورلكم صور اكتر عن تفاصيل الطبخ ومراحله عشان الصغار لخموني ☺

استودعتكم لله الذي لا تضيع عنده الودائع