اطيب فاصوليا خضرا بمرقة على طريقتي
اطيب فاصوليا خضرا بمرقة على طريقتي
المقادير
- كيلو فاصوليا خضرا منضفة ومغسولة
- لحمة مفرومة ناعم حسب انتو شقد بدكن
- تللت معالق كبار دبس بندورة
- راس توم
- ملح
- فلفل
- ماء تقريبا لتر ونص
الخطوات
يسعدلي كل اوقاتكن ان شالله تكونو بأحسن حال
حبيت اقدملكن طريقتي بالفاصوليا ياترى طريقتكن نفس طريقتي يلا نشوف وخبروني بالتعليقات اذا عملتا متلكن ههههه
*بسم الله الرحمن الرحيم*
قمعت الفاصوليا وقطعتا بهالشكل وغسلتا منيح
بطنجرة عالغاز قليت اللحمة والملح والفلفل وبس بلشت تستوي حطيت التوم قلبتو معا نزلت عليهن الفاصوليا وقلبتا كم تقليبة لحتى تاخد النكهة
دوبت الدبس بندورة بالمي ونزلتا على الفاصوليا
هلق انا عملتا بطنجرة الضغط اخدت معي ربع ساعة كانت مستوية ومتنهنها ههههه اذا مافي طنجرة ضغط حطوا بطنجرة عادية وتركوها تستوي عكيفا ههههه اي وبس قدمت جنبا رز بشعيرية
ان شالله تكون عجبتكن
*والف صحةوعافية لاتنسوني من دعوة حلوة متل قلبكن*
