عجة لب الكوسا بالفرن

المقادير

• لب كوسا
• أربع بيضات
• ملح وفلفل
• زيت نباتي
• بصلة كبيرة

الخطوات

ناس كتير بعرف إنهم بيرموا لب الكوسا بعد ما يحفروا الكوسا وما بيستفيدوا منه مع إنه بينعمل مفركة أو متبل

أو عجة متل ما راح أعملها وطريقتها بسيطة بس عنجد زاكية كتير

بنفرم البصل وبنقليه بالزيت ونغسل لب الكوسا وبنصفيه كويس من المي وبنقلبه مع البصل وبعد ما تنشف ميته بنضيف ملح وفلفل وبنخفق البيض وبنخلطه مع الكوسا بصينية بايركس مثلا بنحطها بالفرن شوي من تحت لأنها تقريبا مستوية وبنحمرها من فوق وبنقدمها مع لبن أو سلطة أكلة زاكية وحفيفة جربوها

وصحة وهنااااا