رز بحليب ع طريقتي

المقادير

• كوب ونص رز مصري
• ٣ لتر حليب مع ١لتر ماء
• ٢ كوب سكر او حسب الرغبه
• ٥ ملاعق ماء زهر
• ٢ عود قرفة
• ٤ ملاعق نشا
• للتزيين:
  فستق حلبي
• جوز الهند
• قرفة بودرة

الخطوات

السلام عليكم ورحمة الله وبركاته

اليوم عملت رز بحليب وحبيت شاركم فيها بتمنى تعجبكن طريقتي

بسم الله بنبلش بنطبخ الرز لحالو ع نار هاديه بنخلطو بالمكسر عشان ما تضل حبات الرز واضحة هيك بحب انا ههههههه بعدها بنحط الحليب والمي والسكر ورشه ملح واعواد القرفة ع النار حتى يغلو بنضيف الرز المطبوخ فوقهم بنخليهم يغلو حوالي ٣ارباع الساعه بس بنضل نحرك كل شي ١٠ دقائق وانا بحب ضيف كم ورقه ليمون بس للأسف ماعندي شجر ليمون حوالي وبصير رشه فانيلا كمان وبس تتجانس المكونات مع بعض بنضيف ٤ملاعق نشا بحب ضيف النشا مشان يضل الخليط كلو ماسك وما يضل في سوائل طبعاً بخلطو مع ماء الزهر وبنحرك وبس يغلو يشوي بنسكبو وبنقدمو وصحه وعافيه

ادعولي حبيباتي دعوة حلوه من قلبكن 🙂