طريقة عمل برجر لحم منزلي مضمون مية مية
طريقة عمل برجر لحم منزلي مضمون مية مية
المقادير
- كيلو لحمة لااااازم تكون فيها دهن
- بصلة كبيرة
- ثلاث سنون تومة
- ورق بقدونس تقريبآ كمشة صغيرة
- معلقة صغيرة ونص ملح
- معلقة صغيرة فلفل اسود
- نص معلقة صغيرة زنجبيل باودر
- معلقة صغيرة كاري
- معلقة صغيرة تومة باودر
- معلقة صغيرة بصل باودر
- ما يقارب النص كاسة قرشلة مطحونة
الخطوات
السلام عليكم ورحمة الله وبركاتة
اذا ما في ترحيب قوي الي بالأول وبعدين للبرجرات رح اخدهم وارجع
ايووووون هيك ما بتيجو غير بالتهديد هههههههههههه يلا لنروح نشوف هالبرجر اللطيف الظريف اللذيذ كيف عملتو بالبيت من تكتك لسلام عليكم ويلاااااااااا
اول شي رح افرم البصل والثوم والبقدونس على الكبة وبعدين بنزل اللحمة وبطحنهم معهم لحتى اشوف صارت معي ملمومة على بعض وبقدر اشكلها براحتي وهون بطلعا من الكبة على الجاط وبضيف عليها البهارات كاملة والقرشلة وبدعكهم مع بعض مزبوط بعدين بشكلهم اقراص وبحطهم بين ورقتين زبدة متل ما حكينا ببرجر الدجاج اذا مذكرين ولا نسيتوها لاااازم تضلكم متذكرين وتجربوها
المهم نرجع لموضوعنا هسة بعد ما شكلتهم وخلصتهم بدخلهم الفريزر عشر دقايق لربع ساعة وبعدين بطلعهم وبقلاية غير قابلة للصق بحط معلقة زيت وحدة وبدهنها على المقلا وبس تحمى ببلش احط البرجر وبضل اقلب لحتى يستوي ويعطيني لون حلو وبعدين ببلش اجهز للساندويش كاتشب مايونيز جبنة خس بندورة بصل شرائح والك حرية الاختيار متل ما بدك ضيفيلها بجيب الخبز بفتحو من النص وبحطو عالقلاية ياخد لون خفيف وببلش احشيهم وبرجع كمان مرة اضغطهم ع الشواية وببلش اكل اشي رووووووعة والله طعمهم خرااااافي والله اطيب من مية جاهز وجربوهم ورح تعتمدو الطريقة وما رح تشترو من برا ابدا ابدا رح تلاقو فرق كبيييييييير بالطعم والجودة ولهون خلص خلصة الي عندي ما ضل غير احكيلكم باااااااي والى اللقاء في وصفة تانية
ولا تنسوني بدعوة حلوة من القلب بحبكم انا يا اغلى خوات
