ازكى بسبوسة
ازكى بسبوسة
المقادير
- علبة لبن رايب صغيرة بنفس العلبة نكمل العيارات :
- نص علبة سكر او حسب الرغبة
- علبتين سميد
- علبة ونص جوز هند
- ٤/٣ العلبة زيت نباتي
- باكيت قشطة
- معلقتين صغار باكيم باودر
- معلقتين فانيلا
- بيض ٢
الخطوات
بوعاء نحط البيض الفانيلا ونخلطهم
السكر ونخلط الزيت ونخلط اللبن ونخلط
بعدين بنحط السميد وجوز الهند ونخلطهم وبعدين القشطة وبنحركهم منيح…. ازا كانت جامدة بتضيفي لبن او حليب ليصير قوامها ممتاز
وبعدين نحط الباكيم باودر ونقلبهم شوي
بنكون محمين الفرن قبل الشغل ع درجة ١٨٠
بنجيب الصنية وندهنا ب طحينية ونصب الخليط في الصنية
ونخبزها لمدة نص ساعة او حسب نار الفرن… ونحمر الوجه ليصير لونها اشقر…. نطلعها ونختبرها بسكين ازا مستوية
وبعدين نصب القطر (الشيرة) عليها
والتزين ع زوقكم…. زينتها بلنوتيلا وزبدة اللوتس
طعمها غراااام والله… اول مرة بعملها وكانت كتييير لزيزة
صحتين وهنا ع قلوبكم
