المنسف الاردني ملكة الأكلات الاردنية

المقادير

• 2كيلو لحمه
• كيلو ارز او اكثر حسب افراد العائله
• جميد
• لبن رايب او لبن قطيع شنينه
• ملح
• فلفل ابيض او اسود
• كركم
• بهارات منسف
• خمس حبات هيل
• ورق غار
• زيت او سمنه لعمل الارز
• لوز او فستق للزينه
• بقدونس مفروم
• خبز شراك
• سمن بلدي حسب الرغبه

الخطوات

بسم الله نبدا

يسعد اوقاتكم جميعا اتمنى ان تكونو جميعا بخير

المنسف الاردني من الاكلات الشعبيه الاردنيه المشهوره في الاردن كلنا بنعمله ببيوتنا بس كل واحد اله طريقته الخاصه بحكم الظروف لكن المنسف هو المننسف العربي الاصيل الذي لا يعلى عليه مهما اضفناله ومهما غيرنا بطريقته

يتكون اصلا من الارز الابيض واللحم وخبز الشراك والجميد الكركي الاصلي

كلنا بنعرف انه في ظروف بتتحكم بالانسان كارتفاع الضغط هون الجميد بكون اله تاثير على الصحه يمكن استبدله بلبن الرايب والشنينه لكن الاصل الجميد

وقلنا انه كل واحد اله طريقته الخاصه ولمساته الخاصه وطريقتي كالاتي

اول شي بغسل اللحم مزبوط وبضيفله الماء الفاتر العادي حتى اقدر اتخلص من اكبر كميه من الزفر الموجود فيه وعند الغليان بشيل كل الرغوه عن الوجه وبضيف الهيل وورق الغار والبصل المفروم وبتركه الى ان ينضج وقبل نا ينضج بملحه وبضيفله الفلفل والبهار وفي هذه الاثناء بكون نافعه الجميد بعد ما كسرته قطع صغيره وبضعهم بالخلاط وبطحنهم وبضيفلهم اللبن الجامد.. القطيع.. والشنينه بخلطهم مزبوط مع معلقتين نشا بحلهم على البارد وبصفيهم وبغليهم مع التحريك المستمر حتى ما يفرط اللبن طبعا اللحمه جاهزه بصفيها من الشوربه وبزل الشوربه عنها وبضيف اللبن المغلي مع جزء من الشوربه وبتركهم على النار حتى تتجانس اللحمه مع اللبن وياخذو نكهة بعض علما انه في ناس بضيفو اللبن من البدايه وبفلفل الرز كالمعتاد اما بضيفله عصفر او بتركه ابيض حسب الرغبه وبتجهزي السدر وخبز الشراك وبتضيفيله الارز واللحمه وبتزينيه واذا كنتي من عشاق السمن البلدي بضيفيلك شوي والف صحه وهنا على قلب الجميع

واتمنى من الله ان يوفق الجميع ويجبر بخاطركم جميعا ويشفي مرضاكم

استودعتكم لله