مقلوبه ع طريقة ريحانه اخر مزازة
مقلوبه ع طريقة ريحانه اخر مزازة
المقادير
- دجاجه مقطعه من دون جلد
- بطاطا
- زهرة
- باتنجان
- كمشة بهارات
- بندورة
- فلفل حار
- بشر توم
- بشر بصل
- ملح
- ليتر مي
الخطوات
السلام عليكم ورحمة الله وبركاته
اولا بتشكر اختي ام جاسم ع تشجيعها الي انزل وصفاتي بزاكي
تانيا بتشكر اختي ريحانه ع وصفتها للمقلوبه جدا كانت رائعه ولزيززززززززة
هيا بنا الى المطبخ
من الليل خلصت شغل بيتي وصحيت تاني يوم نشيطه لاني بدي اتفنن بمقلوبة ريحانه
قشرت البطاطات والزهرات والبتنجانه وملحتهن مع رشه فلفل اسود مطحون
كنت ناقعه الدجاج بخل ومنقعه هالرزات بمي ورشه ملح
جبت الطنجرة الي رح ابلش اقلي فيها واطبخ فيها مشان مااطلع علي جلي كلو بطنجرة وحده
المهم ياستات يامعدلات بلشت اقلي بالخضرة ولما خلصت غسلت الدجاج كويس كويس لما صارت ميتو بيضا
ودبيت هالجاجه المسكينه بطنجرة وقليتها مع هيل وورق غار وفلفل اسود وزنجيبل وبشر توم وبشر بصل لما شفتها اتحمروا حطيت ليتر مي وخليتهم ينطبخوا
برضو نفس الطنجرة رفعت الجاج وصفيت المرقه
وبلشت احط بالقاع شرايح بندورة وفلفل حااار فوقهن الجاج فوقهن البتنجانه والبطاطات والزهرات فوقهن الرز ودرت المرقه
ع نار وسط بعدين نار هادئة
..الله يجيرني ويجيركم من النار..
شي نص ساعه
اما شووووووو طلعت دمااااااااار
ااخ ايدي وجعوني وانا بكتب بس مقلوبه ريحانه بتستاهل ياجماعه
يعطيني العافيه
