الكشري ملكه الاكلات المصريه
الكشري ملكه الاكلات المصريه
المقادير
- طبخ المجدرة:
- 0.25 كوب عدس حب او بني
- 2 كوب رز مصري منقوع (انا استعملت بسمتي حتى ما يخبص)
- رشة كمون
- ملعقة كبيرة زيت زيتون
- 1 ملعقة كبيرة ماجي بودرة
- رشة ملح
- للمعكرونة:
- 0.5 بكيت معكرونة مسلوقة
- 2 ملعقة كبيرة زيت زيتون
- رشة فلفل اسود
- صلصة الطماطم:
- 1 بصلة مقطعة ناعم جدا
- 1 سن توم مقطع ناعم جدا
- 1 بندورة مقشرة ومقطعة ناعم
- 2 ملعقة كبيرة رب البندورة( حسب نوعيه رب البندورة)
- فلفل اسود
- فلفل حار ( اختياري)
- زيت زيتون
- ملح
- 1 كوب ماء مغلي
- للزينة:
- 3 بصل مقطع شرحات رفيعه ومقلى بزيت نباتي
الخطوات
الكشري المصري …الكشري الطبق الرئيسي والتراثي بام الدنيا مصر
تعددت طرق طبخو ولكن كلوووو بيرجع للاكله اللذيذه جدا الكشري
نبلش بطريقتي يلي اخدتها من صديقه مصريه من شي ٦ سنين
طبعا اخوانو المصريين بيطبخو الارز لحالو والعدس لحالو وممكن يحطو شعريه وحمص حب وبيحطو كمان تتبيله حارة بالثوم والفلفل
انا هون اختصرت كل هاي الاضافات يلي ما بتغير من طعم الكشري اللذيذ واكتفيت بهالوصفه يلي معتمديتها من سنين طويله
نطبخ المجدرة: بسلق العدس لمدة ربع ساعة وبعدين نضيف الملح والماجي والكمون والفلفل ونحرك شوي ثم الرز المنقوع.
كمية ماء تغطي الرز للوجه فقط يعني نكون شايفين الرز واطرافو ظاهرة من الماء. بس يغلى نوطي عليه الغاز لفوق (اكتر شي واطي بالغاز) ونتركها لتستوي.
المعكرونة المسلوقة نضع عليها زيت زيتون وفلفل اسود ونحركها ( هيك بنمنعها من انها تلتصق ببعضها لحتى موعد اكلها.)
الصلصة نضع الزيت على النار ونضع البصلة ثم الثوم لحتى يدبلو شوي. ثم نضيف البندورة عليهم ونحرك. لحتى تذبل البندورة شوي نضع الصلصة والماء والملح والفلفل ونتركها تتسبك ٥ دقائق.
وقت التقديم نضع المجدرة وفوقها المعكرونة ثم الصلصة وعلى الوجه البصل المقلى.
وتقدم الف هنا يارب وصحة وعافية
