طريقةصلصة الطماطم والفلفل الأخضر الحار

المقادير

• خمسه كيلو طماطم
• كوب زيت
• ملح
• فلفل اخضر اثنين كيلوه
• نص كوب زيت ملح

الخطوات

نغسل الطماطم نظيف لو باالخل يكون افضل ونقطعهم ونطحنهم بعصارة العصير ونحطهم بقدر وعلى نار وسط نحركهم حتى تبدأ تنشف عصارتهم ونضيف كوب الزيت والملح باالكميه اللي تحبوها ونستمر باالتحريك حتى نتأكد مابقيت عصاره والزيت طلع مكانها وبهذه المرحله يكون جاهز أختياري تضيفو لهم اي نوع بهارات

والفلفل الأخضر نفس الطريقه

ممكن ياخذ معك وقت ساعتين او على حسب ماتوازنيه انتي بعينك ممكن تعلي النار او تخفضيها

ولما تبرد الصلصات نعبيهم بمرطبان زجاج نظيف ومعقم بفرن حامي لمدة كم ثانية ويكون بارد لما نعبيهم ونتركهم باالثلاجة لوقت مانحب نستخدمهم نضيفهم للشوربات والكبسات والأرز والمكرونة والبيتزا والمشويات والفطاير بكل أنواعه وحتى للسندويشات مدة صلاحيته طويلة ممكن سته أشهر بشرط يكون باالثلاجة ولما نستخدم منه ناخذ بملعقه نظيفه ومافيها ماء

الصراحه هذه الطريقه عملية جداً من حيث توفير الطماطم عندما يكون بموسمة بكثره ومن حيث توفير الوقت عند استخدامه في الطبخ لانه جاهز مايحتاج وقت

لأستوأه

قبل كم سنة ساويت منه لما كنت بمدينه ثانيه وبقيت الصور بجوالي فحبيت أشارككم عشان تستفيدو

والله ولي التوفيق .