باميه باللحمه غذاء ودواء ملكة الاكلات الفلسطينيه

المقادير

• كيلم باميه مغسول ومنظفه من الشوائب
• نص كلم لحمه راس عصفور او قطع كبيره حسب الرغبه
• خمس حبات بندوره حمرا كبيره
• معلقة صلصه
• راس بصل
• ثوم
• ملح
• فلفل اسود
• قرن فلفل اخضر
• معلقه صغيره كزبره مطحونه
• زيت
• لسلق اللحمه:
• هيل
• ورق غار

الخطوات

بسم الله الرحمان الرحيم

كيفكم حبيباتي اشتقتلكم ربنا يحميكم وين ما كنتم ويحمي اطفالكم وازواجكم وكل حبايبكم

اليوم طبختنا عن الباميا المنتشره اكلتها في جميع انحاء الوطن العربي وخارحه وحيرتني لاني لقيتها كشكول بين كل الدول الباميه سحريه استخدموها ناس كثير في علاحجاتهم حصلو على نتائج روعه لانها تحتوي على الزنك المفيد للجلد والشعر وحب الشباب والاجهزه التناسليه تعالج قرحة المعده عن طريق تجفيفها وطحنها واخذ معلقه منها قبل الاكل لانها بتعمل حاجز بين الاكل والقرحه ما بشعر المريض بالالم اثنا الاكل علاج للامساك والقولون العصبي وتحتوي على الحديد والبوتاس وعملوا عليها دراسه اطباء في الخليل وجدو انها بتساعد على نزول السكر ونصحو المرضى الي بتناولو مسحوق الباميه انهم يخففو من العلاج لانه كل علاج اله اعراض جانبيه وايضا علاج لمفاصل الركب عن تحربه هاي شهادة صديقه الي اخذتها ثلاث شهور ثلاث مرات باليوم وتعافت تماما

تعالوا نشوف طريقة عملها كلنا بنعملها لكن تختلف من ست لست ويمكن نفيد بعض في بعض المعلونات انا بصراحة كنت اقليها تعلمتها من الوالده بدون قلي لكن نصحوني بعض الزميلات بالقلي عملتها ما عحبتني لانه لونها وطعمها بتغيرو وبتشرب زيت بغير الطعم لو يفيقوا جداتنا الله يرحمهم ويلاقونا بنقليها رح ينتحروا انتخار جماعي ويموتوا مره ثانيه رح يعتبرونا خربنا كل الي عملوه

وطريقتي

يا ستات اول شي بحضر كل ما يلزم وبسلق اللحمه بالهيل وورق الغار وبكون غاسله الباميه مزبوط وبنشرها على سدر وتحتها فوطه نظيفه ولما تنشف بقمعها وبحط بالطنجره شوية زيت وبشوحها ما بقليهاوبضعها عل جنب بتكون اللحمه استوت بفرم راس بصل زغير او ثوم حسب الرغبه وشوية زيت لما يتذيلو بنزل اللحمه ويقلبها شوي هون في ناس بنزلو عصير البندوره لما يتسبكوا بنزلو عليهم الباميه انا ما عملت هيك نزلت الباميه على اللحمه وقلبتهم مع بعض وضفتلهم الملح والفلفل الاسود ورشة كزبره بسى لانه الباميه ما بتناسبها كثير البهارات وضفتلهم كاستين من شوربة اللحمه وتركتهم على العالي من 7الى10 دقايق هاي الحركه بتخلي الباميه تستوي بشكل اسرع وبعدين ضفت عصير البندور وسنين توم مهروسين وتركتهم حتى تسبكو في ناس بقلو الثوم بطشوه على الوجه انا ما بقدر اعملها ابد مع اني بحب ريحة الثوم وهو بالزيت لو عملتها ما حد باكلها

وبتقدميها مع الارز او الارز بالشعيريه او بتتغمس بالخبز مع السلكات والمخللات والف صحه وهنا غلى قلبكم يا حلوين

استودعتكم لله الذي لا تضيع ودائعه وجمعنا في جنات الخلد بصحبة نبينا الحبيب عليه افصل الصلاة والسلام