دجاج بالزنجبيل/ ملكه الاكلات الاردنيه

المقادير

• دجاجه
• قطعه زنجبيل مقشره بحجم كاسه الشاي
• راس بصل مفروم
• نص كاسه شاي زيت
• فنجان عصير ليمون
• نص كاسه مي ممكن تحتاجي اكثر
• ملح
• فلفل
• كركم
• كمون
• ارز مصطفى
• ماجي
• عيدان قرفه
• اكم حبه هيل

الخطوات

بسم الله نبدأ

بنظف الدجاج منيح وبتقطعيه متل ما بدك

بتحطي الزنجبيل لازم يكون مفروم والبصل والزيت والليمون والملح والفلفل والكركم الكمون والمي عالخلاط بتضربيهم لما يصيرو متل السائل

بتحطي الدجاج وبتعملي فيه سيوف بالسكينه بالصينيه وبتضيفيله خليط الزنجبيل بتخلطيه مع الدجاج اذا حسيتي السائل تقيل بتزودي مي واذا ملحو ناقص بتزودي بتقصدريه عالفرن زي ما بتعملي الصينيه

بتجيبي مي وبتحطيلها ماجي وقرفه وهيل لما تغلي بتضيفي عليها الرز وبتطبخيه كالمعتاد

لما يستوي الدجاج بتوخدي كل صوص الزنجبيل وبتحطيه بصحون وبتحمري الدجاج

بعد هيك بتسكبي الرز وتحطي الدجاج والصوص يقدم مع الرز وسلطه ولبن

وصحتيييييين وعااااافيه