الكباب الهندي ملكة الأكلات الهندية
الكباب الهندي ملكة الاكلات الهنديه
المقادير
- كيلو لحمه مفرومه ناعم
- بصله كبيره
- فصين ثوم
- بقدونس
- قرن فلفل حار
- ملح فلفل اسود بهارات كباب زيت خمسى حبات او اكثر بندره حمرا معلقة صلصه راسين بصل مقطعين جوانح
الخطوات
بسم الله نبدا
يسعد اوقاتكم اخواتي الغاليات اليوم طبختنا عن الكباب الهندي اكله سهله ولذيذه وبنصحكم تجربوها لانها فعلا طيبه
ويلى خلينا نعملها مع بعض يا احلى صبايا واحلى شيفات بالعالم
في البدايه تحضير جميع للمقادير حتى ما نتلبك اثناء الطبخ طبعا اول شي بنفرم اللحمه ناعمه مع قليل من الدهون ومعها راس بصل وقرن فلفل وشوية بقدونس اذا بتحبي وملح وبهار وفلفل اسود وبنعجنها كويس وبنعملها على شكل اصابع هون في ناس بتقليها وبتحهزها انا ما حبيت اقليها وضعتها بصينيه مع شوية زيت على الغاز وغطيتها مزبوط وتركتها على نار هاديه حتى طلعت ميتها وتركتها حتى نضجت وعليت النار شوي وكشفتها حتى اتخلص من المي الموجوده فيها وفي هذه الاثناء وضعت البندوره في ماء ساخن وقشرتها وقطعتها
في طنجره صغيره وضعت البصل المقطع جوانح بالزيت ولما تذبل ضفتله الصلصه وقلبتها شوي مع البصل وضفتلها البندره والملح والفلفل وتركتها لما نضجت وضعتها في صينيه وضعت الكباب فوقها ودخلتها الفرن تتحمروفعلا كانت سريعه وشهيه اتمنى تجربوها حتى تتمتعوا بطعمتها اللذيذه
الف صحه وهنا على قلبكم الغالي مقدما سامحوني على الاطاله
استودعتكم لله يا غاليين
