طريقة عمل البرياني مع سر الطعم المميز

المقادير:
?
دجاج مقطع الي 8 قطع علي حسب عدد الافراد انا احب صدور الدجاج المخلي صراحه
. بصل مفروم
ثوم مفروم
زنجبيل مفروم
كزبره خضره
ماي ورد 2 ملعقه كبيره او?
ومنقوع زعفران بماي الورد لو مو موجود مو لازم
صبغ الزعفران البودر
4 ملاعق حليب جوز الهند بودر مذوبه في 3 اكواب ماي
بصل جوانح يحمر بالزيت ويوضع جانبا
ارز يغسل وينقع في ماي وشوي ملح وملعقه صغيره خل
بهارات صحيحه لسلق الارز (هيل .قرفه. قرنفل. فلفل اسود. ورق غار) وشوي كركم
.
.
لنقع الدجاج
?
حق الدجاجه الواحده او كيس صدور دجاج كيلو جرام
?
2 علبه روب (زبادي)
1 عصير ليمون
فلفل اخضر حار او بارد مقطع حيل صغير
ملح
3 حبات ثوم مفروم
شوي نعناع طازج مفروم
كزبره خضره مفرومه
2 ملعقه خل ابيض
بهارات برياني بودر و2 ملعقه كاري
تخلطين كل مكونات وتنقعين فيها الدجاج من بالليل وتحطينها بالثلاجه خطوه ضروريه عشان الدجاج يشرب كل المكونات
.
طريقة الطبخ
في قدر نضع شوي من الزيت وعليهم البصل المفروم حتي يشقر لونه ثم يضاف الزنجبيل والثوم
0ثم نضيف الدجاج المنقوع ونقلب ثم يضاف قليل من البصل الجوانح المحمر
ورشة كزبره خضره ثم منقوع الزعفران ان وجد لو ما عندج يضاف ماي الورد ثم صبغ الزعفران
وتقلب حتي يتجانس كل المكونات ثم يضاف حليب جوز الهند المذاب بالماي
نتركه يطبخ مع التقليب المستمر حتي يقل الماي وتحصلي علي خليط ثقيل وينضج الدجاج
طبعا الريحه بروحها حكايه?
.
الارز

نضع ماي في قدر وسيع يكون اكبر من كمية الارز عشان ياخذ راحته وتحصلي حبه طويله المهم
تحطين بالماي ملح و البهارات الصحيحه مالت سلق العيش و ويها ملعقة كركم وتخليه تغلي حتي يكون ثلاث اربع استوا بعدين نشخله من الماي ويرش علي الوجه منقوع زعفران او لون طعام وغطيه عشان يعرق ويلصق الون بالعيش
بعدين نقلبه كله ويا بعضه عشان نحصل ارز ملون نفس المطاعم
ونجيب فخار او قدر نحط في ربعه ارز بعدين خليط الدجاج بعدين ارز ويزين بالبصل المقلي ومكسرات اختياري وكزبره خضره
.
العجينه
دقيق و 3 ملاعق زيت و رشة ملح
اعجني بالماي لين تحصلي عجينه طريه اخذي العجينه و افرديها علي حجم الماعون وغطي فيها الماعون واضغطي علي اطرافه واصبعج مبلله بالماي
.
ودخلي الماعون الفرن من فوق وتحت لين يحمر العجين
وبالعافيه, وشكرا.

ملاحظة:
اهم شي في البرياني البهارات ثم البهارات ثم البهارات
ليش اقول البهارات لان كل اكل يعتمد النكهه علي البهارات
لازم تستخدمين له نوع زين من البهارات
لان البهارات هي اساس الطبخ الهندي والخليجي
انا صراحه تعبت لين حصلت بهارات اعتمدها
فالبهارات سر النكهه ?
تقدرين تستخدمين بهارات البرياني اللي بالسوبر ماركت بس تضفين عليها مسمار (قرنفل)و ورق غار