كرواسان بكل تكاته وحركاته

كرواسان بكل تكاته وحركاته
بعد طول انتظار الكرواسون الجامد بكل حركاتة وتكاتة بس عاوز ناس تركز معانا وانشاء الله هيطلع زى بتاع المحلات. وصف ووصفه للشيف الرائع Eyaid

المقادير:
500 جرام دقيق
2 بيضة
40 جرام سكر
10 جرام خميرة
10 جرام ملح
30 جرام زبدة صفرا
ملعقة صغيرة محسن خبز لو عندك لو مفيش بلاش
25 جرام لبن بودرة او لبن حليب
ماء ساقع للعجن حسب الطلب

250 جرام زبدة صفرا يفضل انها تكون نيوزلاندى او لو رباك للتبنيط. اي للتوريق

الطريقة:
هنجيب طبق او حلة استلاليس او لو عندك عجان يبقى افضل نحط فيها
الدقيق والخميرة والسكر والملح واللبن وقطعة الزبدة اللى هى 30 جرام ونبدا ننزل بالماء الساقع المثلج ونعجن عجينة يابسة ونسبها تعجن شوية لحد متلاقيها ابيضت شوية نحطها فى كيس ونسبها على رخامة علشان تريح

نجيب ال 250 جرام زبدة ونجيب كيس ونفرد الزبدة على الكيس بحيث يكون سمكها رفيع وندخلها الثلاجة وبعد نصف ساعة نطلع العجينة ونفردها على الرخامة وتكون مرشوشة دقيق ونحط جواها الزبدة

ونطبق العجينة على الزبدة ونبدا نفردها ونطبقها تانى ونفردها العكس ونطبقا هكذا لمدة 3 مرات هتلاقى الزبدة تلقائى دخلت جوة العجين اختفت نغطى العجينة بكيس ونسبها حوالى ربع ساعة

ونفردها بسمك نصف سنتيمتر ونعملها مثلثات زى الصورة ونلفها من الناحية العريضة ونقفلها ونرصها فى صاجات (صينية الخبز) ونسبها فى مكان دافى علشان تخمر ممكن نشغل الفرن دقيقتين ونقفلة هيسخن ندخل الكرواسون جواة بحيث يساعد على التخمر اول ميخمر زى الصورة

نجيب بيضة ونصف كوب لبن ونقلبهم على بعض كويس ونحطهم فى بخاخة زى بتاع المكواة ونبخ الكرواسون قبل دخولة الفرن علشان يعطى اللون الكرسبى المحمر

نشغل فرن درجة حرارة عالية 190 لمدة 15 ساعة حسب نوع الفرن بتاع حضرتك هيطلع هتلاقية احمر وشة واستوى وبقى هش واللقمة دايبة فى الفم انشاء الله

ملحوظات
ممنوع منعا باتا استخدام الزبدة البيضا او الفيرن لانها تودى الى اضرار صحية بالغة

ناس تشتكى تقول الزبدة بتطلع من العجين حاولى تدخلى بعد متفردى الزبدة على الكيس دخليها الثلاجة تشد علشان لما تيجى تفرديها متسحش منك

بتحب تشاهد وصفات بالصوت والصورة؟ اعمل اشتراك لقناة زاكي على اليوتيوب من هنا لتصلك جديد وصفاتنا بالفيديو:
قناة زاكي على اليوتيوب

عندك جوال ذكي؟ ممتاز كتير تفضل أحلى هدية من زاكي لعيونك, حمل على جوالك تطبيق زاكي, أقوى مرجع عربي لفن الطهي, من هنا:
تطبيق زاكي للأجهزة الذكية

عندك حساب على الفيس بوك؟ طيب شو بتنستى استفيد من وقتك وتعلم كل يوم وصفة جديدة على يد أمهر شيفات في الوطن العربي, بالانضمام لمجموعة زاكي وصفحة زاكي على الفيس:
للانضمام على مجموعة زاكي من هنا
للاعجاب بصفحة زاكي من هنا ومتابعة كل جديد

احفظ موقع زاكي في المفضلة على جوالك, لتصلك دوماً جديد وصفاتنا مش هتلاقيها إلا في زاكي
موقع زاكي لفن الطهي