روس خرفان مسلوقة ومحمرة بالفرن( لحمة راس ) ملكة الأكلات الأردنية

المقادير

• ثلاث روس خرفان
• ملح
• فلفل أسود
• بهارات مشكلة
• مطيبات مثل:
• ورق غار
• حب هيل
• عود قرفة
• فلفل حب
• شرحات بصل
• ثوم
• عروق كزبرة

الخطوات

أول شي لا تستغربوا هالاكلة بس الله وكيلكم لو عليي أنا ما اطبخها أبدا بس الزلام بحبوها ومنهم زوجي العزيز وأنا بالنسبة إلي مستعدة أطبخ أي شي

المهم بنجيب الروس وبنغسلهم كتير كتير كتير منيح وبنعيد عليهم وبنظفهم بملح و تنظيف كامل بالمي ونفركهم كمان وبعد ما ينظفوا مزبوط

بنسلقهم أول سلقة وبنشيل الرغوة الي بتتكون وبنكب المي وبرجع اعبي الطنجرة مي للمرة التانية وأحط كل المطيبات طبعا مي ساخنة تكون وبتركهم يستوا مزبوط وبوطي تحتهم وبغطيهم

ممكن من ساعة ونص لساعتين لأنه ممكن من جوا المخ ما يستوي مزبوط منشان نضمن السوا الصح

بعدين بنطلعهم وبنحطهم بصينية وبنحمرهم بالفرن وبنقدمهم مع رز ولبن رايب وبالنسبة للمرقة بنقدمها كمان مع ليمون للي بيحب بنزين بالكزبرة والفستق والمتوفر

بالنسبة إلي أكلت من الرز واللبن وشوي من لحمة الراس

طبعا بتتاكل لحمة الراس واللسانات والمخ مع رشة ملح وووو…..بس بنكب العظام طبعا

ملاحظة: للي ما حبت الوصفة او كشت منها بلا ما تعلق تعليق سلبي وشكرا واهلا وسهلا بالتعليقات الموضوعية

وألف شكر

صحة وهنااااا