اسهل واطيب حلا بنكهة الخوخ

المقادير

• باكيت بسكوت
• اربع حبات خوخ او دراق
• ظرفين كريمة
• كاسة حليب
• لتغميس البسكوت:
• نص كاسة حليب دافي

الخطوات

بهالجو مابدنا غير اكلة حلو لذيذة وخفيفة وباردة بنفس الوقت يلا نجهزا سوا

بسم الله الرحمن الرحيم

خفقت الكريمة بالحليب وفرمت خوختين مكعبات ناعم وخلطتا مع الكريمة

جبت القالب وغطست البسكوت بالحليب وصفيتو حطيت اربع طبقات بسكوت

حطيت فوق البسكوت الكريمة ودخلتن نص ساعة الفريزة

طالعتا وكنت عاملة الخوخ شرايح بالطول صفيتن وزينتا بهالشكل

اذا بدكن بتحبو بتعملوا بأي نكهة

جربوا كتيرررر سهلة ورح يحبو قطقيطكن

وبألف صحةوهنا