كباب باذنجان ملكة الأكلات السورية
كباب باذنجان ملكة الأكلات السورية
المقادير
- كيلو بانجان
- نص كيلو لحمة ناعمة
- بندورة تقريب النص كيلو
- اربع بصلات كبار
- قرن فليفلة خضرة
- ملح
- فلفل اسود
- للبيواظ:
- باقة بقدونس
- بصلة وسط
- ملح
- ملح ليمون
- رشة فليفلة ناعمة
الخطوات
كبان بانجان ولا اطيب من مطبخنا السوري هو اصولو ينطبخ عالفحم بس لانو نحن ببلد غربة مامنحسن نشوي بالبيوت رح اعمل بالفرن واعطي طعمة الفحم يلا نشوف شلون
&بسم الله الرحمن الرحيم&
فرمت البندورة مكعبات وسط ومعا البصل والفليفلة وقلبتن وحطيت عليهن ملح وفلفل اسود
غسلت البانجان وقطعتو بهالشكل بدون مااوصل للنهاية يعني تركتن معلقين في بعض اي تبلت اللحمة بالملح والفلفل وحشيت البانجان بلحمة
حطيت البندورة المفرومة بصينة فرن وفرشت فوقا البانجان ودخلتا الفرن تقريب ساعة حامي من تحت وفوق بس شفتا استوت شغلت فحمة وحطيتا بقلب سلفانة وحطيت بوسط الصينية وحطيت على الفحم كم نقطة زيت ورجعت دخلتا الفرن شي اخدت طعمة الفحمة
للبيواظ فرمت البقدونس ناعم والبصل جوانح وتبلتن بملح وملح ليمون والفليفلة وقدمتو جنبا
او قدمو جنبا مخللات ولبن عيران
وهيك خلصنا جربوا وعطوني رئيكن
&والف صحةوهنا&
