عجة ملكة الأكلات السورية

المقادير

• ١٠ حبات بيض
• طحين حسب الحاجة
• ملح
• فلفل
• ٢ رأس بصل كبير مفروم ناعم
• ٢ كوب بقدونس مفروم ناعم
• بهارات مشكله مع كمون
• زيت
• بيكنج باودر ملعقه صغيره

الخطوات

السلام عليكم ورحمة الله وبركاته كيفكن يا بنات ويا شيفات زاكي

رح ندخل بالطريقة مباشرة اول شي بنضع البصل مع البهارات والفلفل والملح وبنفركهم منيح عشان تدبل البصلة بعدين البقدونس وكمان بنفركهم شوي وبعدين البيض بنخلط وبنضيف الطحين شوي شوي حتى يصير معنا خليط طري شوي خليط مو عجين. الطريقه الأولى؛ بندهن المقله وبنصب بالوسط حتى تتحمر من الأسفل وتستوي وبعدين بنقلب

الطريقه الثانية؛ بندهن صينيه التيفال بكميه منيحة بالزيت وبعدين بدخلها ع نار متوسطه حتى تستوي حوالي ٢٠ دقيقه أكثر أو أقل بنتأكد انها استوت بندخل عود خشبي زي الكيك ما طلع شي معناه انو استوت بنحمرها وبنقدمها فوراً لأنو اذا تأخرتي بتقديمها رح تنشف وهي الطريقه المصوره

الطريقه الثالثة؛ بكميه وفيره من زيت بنحمي ع النار وبنضيف بالمعلقه حوالي خمس ٥ ع كل مره وبنقلب حتى يتحمر وهي الطريق صحيح يمكن الكل بتفق موصحيه بس لما تحطي الزيت يكون الزيت حامي كتير ما رح تشرب كميه كبيره من ال يت وبصراحة انا بحب هي الطريقه اكتر

ان شاء الله تعجبكن حبيباتي

ادعولي بالفرج القريب بحبكن كلياتكن كلياتكن ع قولت دنيا اسعد سعيد هههههههه