ملوخية خضرا ع طريقتي ملكة الأكلات الفلسطينية

المقادير

• ملوخية خضرا مفرومة ناعم
• ثوم
• بصل
• فلفل
• نص جاجة مقطعة 4 قطع
• رز
• بهار مشكل
• كاري
• كركم
• ماجي
• ملح

الخطوات

اول شي الملوخية انا جهزتها من مبارح

نضفت الجاج منيح و قطعت كل قطعة نصين دبلتهن مع البصل و الفلفل و الملح و البهارات و الماجي و شوية زيت

بس يصير لون الجاج ابيض ويدبل البصل بنضيف المية المغلية و بسكر طنجرة الضغط لمدة نص ساعة

بس يستوي الجاج بشيلو من الشوربة و بصفي الشوربة عشان الملوخية

بحط الملوخية عالغاز و بتركها تغلي و بضل احرك فيها عشان تدوب منيح

بعد ما تغلي 3 او 4 غلوات بضيفلها نص الثوم المهروس ني وبخلي يتطبخ معها

قبل ما تستوي الملوخية بشوي بشوح الثوم مع زيت او سمنة و بطشها بالملوخية و بخليها تغلي بس غلوتين و بطفي الغاز

بنسلق الرز كالمعتاد

الجاج بنقليه او بنشويه حسب الرغبة

وهيك طبختنا جهزت