بروستد الدجاج المقرمش اطيب من كنتاكي
بروستد الدجاج المقرمش اطيب من كنتاكي
المقادير
- كمية من دبابيس الدجاج وصدر
- لنقع الدجاج:
- سنين توم
- تلات ارباع كاسة لبن او زبادي
- نص كاسة حليب
- كاسة طحين
- معلقة كبيرة ملح
- معلقة صغيرة فلفل اسود
- معلقة صغيرة كزبرة
- معلقة صغيرة فليفلة حمرا ناعمة
- نص معلقة صغيرة زنجبيل بودرة
- معلقة كبيرة توابل كبسة
- مكعب ماجي
- معلقتين كبار عصير ليمون
- للتغطية:
- كاسة طحين
- نص كاسة نشا
- نص كاسة سميد ناااااعم
- معلقة صغيرة ملح
- معلقة صغيرة حبة بركة
- معلقة صغيرة فلفل اسود
- معلقة صغيرة فليفلة ناعمة
- معلقة صغيرة توابل كبسة
- مكعب ماجي
- نص معلقة صغيرة زنجبيل بودرة
الخطوات
مين منا مابحب البروستد واكيد كل وحدة منا الها طريقتا وانا هي طريقتي اذا جربتوا رح تحبوا انتو وكتاكيتكن ههه يلا نشوف الطريقة*
♡بسم الله الرحمن الرحيم♡
اول شي نقعت قطع الجاج بمي وخل مدة ساعتين ليطلع الزفرة والدم
و قطعت الصدر شكل اصابع
بعد ساعتين شلت الجلد وجبت سكين وعملت بقلبن شقوق خفيفة وحطيتن بطنجرة وسلقتن نص سلقة هيك بضمن انن ماياخدو وقت بالقلي ويستوو كتير منيح
بعد ماسلقتن خلطت مكونات النقع وحطيت الدجاج بقلبا غطيتن بنايلو وتركتن ساعتين منقوعين بعد الساعتين حضرت مكونات التغطية
خلطتن منيح وصرت حط الجاج بقلبا واغمرن وارجع حطن بمكونات النقع وارجع حطن بالتغطية وبعدين قليتن مااخدو معي عشر دقايق كانو متحمرين ومكملين استوائن طالعتن من الزيت ع محاوم ورقية وقدمت جنبن بطاطا وتوم وكاتشب وسلطة
وهي كانت طريقتي للبروستد اذا عجبتكن لاتنسو تجربوا وتعطوني رئيكن
♤والف صحةوهنا عقلبكن♤
♡لاتنسوني من دعوة حلوة متلكن♡
