كيكة الآيس كريم من الاخر غرام
كيكة الآيس كريم من الاخر غرام
المقادير
- اي كيكة معتمدينا تكون ع شوكلا
- للبوظة:
- ظرفين كريمة شانتي
- كاستين حليب
- تلات ارباع كاسة حليب بودرة او مبيض قهوة وصورتو تحت
- نص كاسة سكر
- ربع كاسة حليب مكثف وان شالله رح نزل طريقتو قريبآ
- معلقة كبيرة نسكافيه
- معلقتين كبار شوكلا دهن اي نوع موجود
- معلقتين كباررر جوز هند
- شوكلا مبروشة اذا بتحبو
الخطوات
يسعدلي كل اوقاتكن يا غاليات ان شالله تكونو كلكن بخير
كيكتنا اليوم عن غير العادة كيكة رح تبرد قلوبنا بهالشوبات الله يجيرنا من نار جهنم يلا نبلش بالكيكة
♡بسم الله الرحمن الرحيم♡
عملت الكيكة وتركتا تبرد تمامآاااا
خلطت مكونات البوظة من عدا النسكافيه والشوكلا وجوز الهند قسمت الخليط لنصفين نصف حطيتلو نسكافيه وشوكلا دهن وشوكلا مبروشة
ونص حطيتلو جوز الهند
بعد مابردت الكيكة فرغت قلبا متل مو مبين بالصورة ورجعتا عالقالب وحطيت بوظة النسكافيه وساويت السطح دخلتا الفريزة نص ساعة وانا لاقوي نكهة النسكافيه رشيت شوي فوق البوظة
طالعتا وحطيتلا بوظة الحليب وغطيتا بنايلو ودخلتا الفريزة اربع ساعات او طول الليل حسب وقتكن
قبل مااقدما طالعتامن الفريزة قبل بنص ساعة ودخلتا البراد مشان احسن اقطعا
طالعتا ورشيت عليها كاكاو وقدمتا جنب فنجان قهوة
وهي كانت الكيكة لليوم عنجد طعمتا بتجنن
جربوا ومارح تندمو
♡والف صحةوهنا ♡
